Kasi Mukuwona Kuti Mazgu gha Chiuta Ngakuzirwa kwa Imwe?

Baibolo ni Mazgu gha Yehova Chiuta, uyo ni Mulembi wa buku lapadera ili. (2Pe 1:20, 21) Kanandi waka Baibolo likuyowoya kuti Ufumu wa Chiuta ndiwo uzamuchindika muwuso wa Yehova. Likutiso sonosono apa ŵanthu vinthu viŵayenderenge makora. Kweniso likuvumbura mukhaliro wa chitemwa wa Adada ŵithu ŵakuchanya, a Yehova.—Sa 86:15.

Taŵanthu tikuzirwiska Baibolo pa vifukwa vyakupambana. Para tikuŵerenga Baibolo zuŵa lililose na kulondezga ivyo likuyowoya, tikulongora kuti tikuzirwiska chawanangwa chapadera ichi. Mphanyi vyakuchita vithu vyalongora kuti tikujipulika nga ni wamasalimo uyo wakati: “Dango linu nkhulitemwa nadi.”—Sa 119:97.

WONELERANI VIDIYO YA MUTU WAKUTI ŴAKALICHINDIKANGA CHOMENE BAIBOLO—VIDIYO YAKUDUMURA (WILLIAM TYNDALE), NDIPO PAMANYUMA ZGORANI MAFUMBO GHAKULONDEZGAPO AGHA:

• 

  Chifukwa wuli William Tyndale wakang’anamurako vigaŵa vinyake vya Baibolo?

• Chifukwa wuli wakalongora chikanga chikuru pakung’anamura Baibolo?

• Kasi Mabaibolo agho Tyndale wakang’anamura, ghakafika wuli ku England?

• Kasi waliyose wa ise wangalongora wuli kuti wakuzirwiska Mazgu gha Chiuta?