Mungapharazga na Kusambizga!

Pakwamba Mozesi wakakayikanga usange wangakwaniska mulimo uwo Yehova wakamupa. (Ek 4:10, 13) Kasi namwe muli kujipulikapo nthena? Kasi mukusambira Baibolo na Ŵakaboni ŵa Yehova? Kasi mukukayika usange mungakwaniska kupharazga nyumba na nyumba? Panji ndimwe mwana ndipo mukuchita wofi kupharazgira ŵanyinu ku sukulu. Panji mungaŵa kuti mukuchita wofi kupharazga ku malo uko kukusangika ŵanthu ŵanandi panji kupharazga pa telefoni. Pemphani Yehova kuti wamupani mzimu utuŵa. (1Pe 4:11) Ŵani na chigomezgo chose kuti wamovwiraninge pa uteŵeti uliwose uwo wangamupani.—Ek 4:11, 12.

WONELERANI VIDIYO YA MUTU WAKUTI, MUŴE NA CHIKANGA PAKUŴA . . . MUPHARAZGI, NA KUZGORA MAFUMBO GHAKURONDEZGAPO AGHA:

• Kasi ni masuzgo wuli agho Mudumbu Aoyama wakasangana nagho?

• Kasi ntchivichi chikamovwira kuti waŵe na chikanga?—Yer 20:7-9

• Kasi ni vitumbiko wuli ivyo wakasanga chifukwa cha kujipeleka kuti wachite vinandi pakuteŵetera Yehova?

• Kasi ni masuzgo wuli agho mukukumana nagho mu uteŵeti agho Yehova wangamovwirani?