UMOYO WACHIKHRISTU
Gomezgani Yehova Para Ŵanji Ŵakumusuzgani
Para ŵanji ŵakutisuzga tingapwetekeka mwakuthupi kweniso tingasuzgika maghanoghano. Ndipo tingatimbanizgikaso mwauzimu usange ŵakususka vigomezgo vithu. Kasi tingajivikilira wuli ku ŵanthu awo ŵakutisuzga?
Ŵasopi ŵanandi ŵa Yehova ŵakwaniska kuzizipizga para ŵanji ŵakuŵasuzga chifukwa cha kugomezga Yehova. (Sa 18:17) Mwachiyelezgero, Esitere wakakhala waka chete yayi kweni wakavumbura chiŵembu cha Hamani uyo wakaŵasuzganga. (Es 7:1-6) Pambere wandachite nthena, wakalongora kuti wakugomezga Yehova mwakuziŵizga kurya. (Es 4:14-16) Yehova wakatumbika ivyo Esitere wakachita ndipo wakavikilira iyo na ŵanthu ŵake.
Ŵawukirano, para munthu wakumusuzgani, pemphani Yehova kuti wamovwirani ndipo mungaphaliraso suzgo linu munthu mulara wakukhwima nga ni mupapi winu. Usange muchitenge nthena, mungaŵa na chigomezgo chose kuti Yehova wamovwiraninge nga umo wakachitira na Esitere. Ni vichi vinyake ivyo mungachita para munthu wakumusuzgani?
WONELERANI VIDIYO YA MUTU WAKUTI, UMOYO WAUCHINYAMATA—KASI NINGACHITA WULI PARA ŴANYANE ŴAKUNISUZGA? NDIPO PAMANYUMA ZGORANI MAFUMBO GHAKULONDEZGAPO AGHA:
Kasi ŵachinyamata ŵangasambirako vichi kwa Charlie na Ferin?
Kasi ŵapapi ŵangasambirako vichi ku ivyo wakayowoya Charlie na Ferin pa nkhani ya kovwira ŵana ŵawo kuti ŵazizipizge para ŵanji ŵakuŵasuzga?