Kasi mu Baibolo Muli Vichi?

Mu Baibolo muli uthenga wa Chiuta, panji kuti mazgu ghake, agho ngakukhumbikwa chomene kwa ise mazuŵa ghano. Baibolo likutisambizga umo tingakhalira makora kweniso umo tingachitira kuti Chiuta watitemwenge. Kweniso Baibolo likuzgora mafumbo agha:

1 Kasi Chiuta ni njani?
2 Kasi mungachita wuli kuti mumanye Chiuta?
3 Ni njani wakalemba Baibolo?
4 Kasi ivyo Baibolo likuyowoya vikukolerana na sayansi?
5 Kasi mu Baibolo muli uthenga wuli?
6 Kasi Baibolo likayowoyachi vya Mesiya?
7 Kasi Baibolo likati ntchivichi chichitikenge mazuŵa ghano?
8 Kasi ni khumbo la Chiuta kuti taŵanthu tisuzgikenge?
9 Chifukwa wuli taŵanthu tikusuzgika?
10 Kasi Baibolo likuti kunthazi vinthu vizamuŵa wuli?
11 Kasi para munthu wafwa wakuya nkhu?
12 Kasi chizamuchitika ntchivichi ku awo ŵali kufwa?
13 Kasi Baibolo likuti wuli pa nkhani ya ntchito?
14 Kasi mungapwelelera wuli vinthu ivyo muli navyo?
15 Kasi mungachita wuli kuti muŵenge ŵakukondwa?
16 Kasi mungachita wuli para mukwenjerwa?
17 Kasi Baibolo lingamovwirani wuli pa mbumba yinu?
18 Kasi mungachita wuli kuti muŵe mubwezi wa Chiuta?
19 Kasi mu mabuku gha mu Baibolo muli nkhani wuli?
20 Kasi mungachita wuli kuti movwirike nadi para mukuŵazga Baibolo?

UMO MUNGASANGIRA MAVESI MU BAIBOLO

Mu Baibolo muli mabuku 66. Baibolo lili kugaŵika paŵiri: Malemba Ghachihebere na Chiaramu (“Testamente Lakale”) na Malemba Ghachigiriki (“Testamente Lasono”). Buku lililose mu Baibolo lili na machaputara na mavesi. Para lemba lalembeka, nambara yakwamba iyo yalondezgana na zina la buku ndiyo ni chaputara, ndipo nambara yakulondezgapo ndiyo ni vesi panji mavesi. Chiyelezgero, para palembeka Genizesi 1:1 ndikuti ni Genizesi chaputara 1, vesi 1.