BOKOSI 7B
Mazgu Agho Ghakuzunulika Chomene mu Buku la Ezekiyeli
“Mwana wa Munthu”
GHAKUSANGIKA MALO GHAKUJUMPHA 90
Ezekiyeli wakuchemeka kuti “mwana wa munthu” mu malo ghakujumpha 90. (Ezek. 2:1) Apa Yehova wakakumbuskanga Ezekiyeli kuti nangauli wakapika udindo ukuru, nayo wakaŵa munthu nipera. Mwakuyana waka, mu mabuku gha Makani Ghawemi, Yesu wakuchemeka “Mwana wa Munthu” mu malo pafupifupi 80, kulongora kuti apo wakaŵa pa charu chapasi wakaŵa munthu nadi, wakaŵa mungelo yayi.—Mat. 8:20.
“. . . Mumanyenge Kuti Ine Ndine Yehova”
GHAKUSANGIKA MALO GHAKUJUMPHA 50
Ezekiyeli wali kulemba mazgu gha Chiuta ghakuti ŵanthu ‘ŵamanyenge kuti ine ndine Yehova’ mu malo ghakujumpha 50, kulongora kuti Yehova pera ndiyo ngwakwenelera kuti ŵanthu ŵamusopenge.—Ezek. 6:7.
“Fumu Yikuru Yehova”
GHAKUSANGIKA MALO GHAKUJUMPHA 217
Mazgu ghakuti “Fumu Yikuru Yehova” ghakusangika malo ghakujumpha 217. Mazgu agha ghakukwezga zina la Chiuta ndipo ghakulongora kuti chilengiwa chose chili pasi pa iyo.—Ezek. 2:4.