Mu Wupu Wakulongozga Mwasazgikira Mubali Munyake

Pa Citatu mulenji, pa Seputembala 5, 2012, pa Beteli ya United States na ya Canada, vikapharazgika kuti mu Wupu Wakulongozga wa Ŵakaboni ŵa Yehova mwasazgikira mubali munyake. Kwambira pa Seputembala 1, 2012, Mark Sanderson wakamba kuteŵetera mu Wupu Wakulongozga.

Mubali Sanderson wakakulira mu San Diego, California, ku U.S.A., ndipo wakalereka na ŵapapi ŵake Ŵacikhristu. Wakabapatizika pa Febuluwale 9, 1975. Wakamba kucita upayiniya pa Seputembala 1, 1983 ku Saskatchewan, ku Canada. Mu Disembala 1990, wakamalizga masambiro gha Sukulu Yakusambizga Uteŵeti (pasono Sukulu Yakusambizga Baibolo ya Ŵabali Ŵambura Kutora) kilasi la nambara 7 ku United States. Mu Epulero 1991, Mubali Sanderson wakimikika kuŵa mupayiniya wapadera pa cirwa ca Newfoundland, ku Canada. Wakati wacitapo mulimo wa kovwira mulaŵiliri wa dera, wakapempheka kuti wakateŵetere pa Beteli ya ku Canada mu Febuluwale 1997. Mu Novembala 2000, wakatumika ku munthavi wa ku United States, uko wakateŵeteranga mu Dipatimenti Yakupeleka Cimanyisko ca Vyacipatala ndipo pamasinda wakateŵetera mu Dipatimenti Yakulaŵilira Uteŵeti.

Mu Seputembala 2008, Mubali Sanderson wakaluta ku Sukulu ya Awo Ŵali mu Komiti ya Munthavi, ndipo kufuma apo, wakasoleka kuti waŵe mu Komiti ya Munthavi ya Philippines. Mu Seputembala 2010, wakacemeka kuti waluteso ku United States, uko wakacitanga mulimo wa kovwira Komiti ya Uteŵeti ya Wupu Wakulongozga.