Vyakovwira Pakupenja Nkhani

**Maliferensi Agho Ghali pa LAYIBULARE YA PA INTANETI ya Watchtower**

Maliferensi ghithu ghangamovwirani kuti musambire nkhani zakupambanapambana. Ghanyake mwa maliferensi agha ntchigaŵa chakuti Vyakusazgirapo, buku la Insight on the Scriptures, Buku Lakupenjera Nkhani la Ŵakaboni ŵa Yehova, kweniso Watch Tower Publications Index.

Malo ghakupenjera nkhani agho ghali pa LAYIBULARE YA PA INTANETI ya Watchtower ghangamovwirani kuti mugwiliskire ntchito maliferensi agha. Para mwambapo waka kulemba mazgu gha ivyo mukupenja pa kabokosi kakupenjera nkhani, masachizgo gha ivyo mukupenja ghakwamba kuwoneka musi mwake. Mazgu ghakuti “Mutu” ghawonekenge mumphepete mwa mazgu ghalighose agho ghasangika mu maliferensi.

Yezgani ivi: Lembani mazgu ghakuti “Yehova” mu kabokosi kakupenjera nkhani (A). Pa masachizgo agho ghawoneka, sankhani mazgu ghakuti “Yehova” agho ghali na mazgu ghakuti “Mutu” mumphepete mwake (B). Pizenge nkhani zakupambanapambana izo zili na mazgu agho mukupenja, izo zikusangika mu maliferensi ghakupambanapambana.

Malo ghakupenjerapo nkhani pa “LAYIBULARE YA PA INTANETI ya Watchtower.” Pa A pakulongora mazgu agho ghalembeka mu kabokosi kakupenjera nkhani. Pa B pakulongora mazgu ghakuti “Mutu” agho ghakuwoneka mumphepete mwa masachizgo agho ghizapo.