1 Berɛsosɛm

24 Wɔkyekyɛɛ Aaron asefoɔ no mu akuakuo. Aaron mma ne Nadab,+ Abihu,+ Eleasar+ ne Itamar.+ 2 Nanso Nadab ne Abihu+ wuiɛ ansa na wɔn papa rewuo,+ na wɔannya mma. Eleasar+ ne Itamar deɛ, wɔtoaa asɔfodie no so. 3 Na Dawid, ne Eleasar aseni Sadok,+ ne Itamar aseni Ahimelek+ kyekyɛɛ wɔn mu kyerɛɛ sɛdeɛ obiara bɛyɛ ne som adwuma.+ 4 Na wɔhunuu sɛ Eleasar asefoɔ mu mpanimfoɔ no dɔɔso sene Itamar asefoɔ mu mpanimfoɔ. Enti berɛ a wɔkyekyɛɛ mpanimfoɔ no mu no, Eleasar asefoɔ nyaa abusua mpanimfoɔ dunsia, na Itamar asefoɔ nso nyaa abusua mpanimfoɔ nwɔtwe.

5 Wɔbɔɔ ntonto+ yiyii wɔn mu mpanimfoɔ; sɛ wɔyi yeinom bi a, na wɔayi yeinom nso bi, ɛfiri sɛ na wɔhia Eleasar asefoɔ ne Itamar asefoɔ ama wɔayɛ mpanimfoɔ wɔ kronkronbea hɔ+ ne mpanimfoɔ a wɔbɛsom nokorɛ Nyankopɔn no. 6 Ɛnna Netanel ba Semaia, Lewifoɔ twerɛfoɔ+ no, twerɛɛ ne nyinaa too hɔ, ɔhene ne mmapɔmma no ne ɔsɔfoɔ Sadok+ ne Abiatar+ ba Ahimelek+ ne asɔfoɔ ne Lewifoɔ+ agyanom mpanimfoɔ anim; sɛ wɔyi Eleasar+ asefoɔ abusuafie baako a, na wɔayi Itamar+ asefoɔ abusuafie nso baako.

7 Deɛ ntonto no kɔsiiɛ nie: deɛ ɔdi kan ne Yehoiarib;+ Yedaia tɔ so mmienu, 8 Harim tɔ so mmiɛnsa, Seorim tɔ so nnan, 9 Malkiya tɔ so nnum, Miyamin tɔ so nsia, 10 Hakos tɔ so nson, Abia+ tɔ so nwɔtwe, 11 Yesua tɔ so nkron, Sekania tɔ so du, 12 Eliasib tɔ so dubaako, Yakim tɔ so dumienu, 13 Hupa tɔ so dumiɛnsa, Yesebeab tɔ so dunan, 14 Bilga tɔ so dunum, Imer tɔ so dunsia, 15 Hesir tɔ so dunson, Hapise tɔ so dunwɔtwe, 16 Petahia tɔ so dunkron, Yeheskel tɔ so aduonu, 17 Yakin tɔ so aduonu baako, Gamul tɔ so aduonu mmienu, 18 Delaia tɔ so aduonu mmiɛnsa, na Maasia tɔ so aduonu nnan.

19 Yei ne nhyehyɛeɛ+ a na wɔde ba Yehowa fie bɛyɛ wɔn som adwuma+ sɛdeɛ kyɛfa+ a wɔnam wɔn agya Aaron so nyaeɛ no teɛ, sɛdeɛ Yehowa, Israel Nyankopɔn hyɛɛ no no.

20 Na Lewi asefoɔ nkaeɛ no nso wɔn a wɔyiyii wɔn nie: Amram+ asefoɔ mu, Subael;*+ Subael asefoɔ mu, Yedia; 21 Rehabia+ asefoɔ mu: Rehabia aseni, abusuapanin Yisiya; 22 Yisar+ asefoɔ mu, Selomot;+ Selomot asefoɔ mu, Yahat; 23 Hebron+ asefoɔ, abusuapanin Yeria,+ Amaria tɔ so mmienu, Yahasiel tɔ so mmiɛnsa, Yekameam tɔ so nnan. 24 Usiel asefoɔ mu, Mika; Mika asefoɔ+ mu, Samir. 25 Mika nua ne Yisiya; Yisiya asefoɔ mu, Sakaria.

26 Merari+ mma ne Mahli+ ne Musi;+ Yaasia mma no bi ne Beno. 27 Merari asefoɔ: Yaasia mma Beno, Soham, Sakur ne Yibri. 28 Mahli asefoɔ mu, Eleasar, na ɔno deɛ wanwo mma mmarima.+ 29 Kis asefoɔ: Kis mma no bi ne Yerameel. 30 Musi mma ne Mahli,+ Eder ne Yerimot.+

Yeinom ne Lewi asefoɔ sɛdeɛ wɔn agyanom+ abusuafie teɛ. 31 Wɔn nso, wɔbɔɔ wɔn so ntonto+ sɛdeɛ wɔyɛɛ wɔn nuanom Aaron asefoɔ no wɔ Ɔhene Dawid ne Sadok ne Ahimelek ne asɔfoɔ ne Lewifoɔ agyanom mpanimfoɔ anim no. Agyanom abusuafie+ mpanimfoɔ mu no, panin ne kumaa nyinaa yɛ pɛ.