1 Berɛsosɛm
23 Na Dawid nyini bɔɔ akɔkoraa,+ na nna mee no. Enti ɔde ne ba Solomon+ sii Israel so hene. 2 Ɛnna ɔboaboaa Israel mpanimfoɔ+ ne asɔfoɔ+ ne Lewifoɔ+ no nyinaa ano. 3 Na wɔkan Lewifoɔ a wɔadi mfeɛ aduasa rekorɔ no;+ mmarima a wɔkan wɔn mmaako mmaako no dodoɔ yɛ mpem aduasa nwɔtwe. 4 Yeinom mu mpem aduonu nnan na wɔhwɛɛ Yehowa fie adwuma no soɔ, na wɔde mpemnsia nso yɛɛ ahwɛfoɔ+ ne atemmufoɔ;+ 5 ná mpem nnan yɛ apono ano ahwɛfoɔ,+ na mpem nnan nso de nnwontoɔ nneɛma+ a Dawid kaa sɛ “mayɛ sɛ wɔmfa nyi ayɛ” no yi Yehowa ayɛ.+
6 Afei Dawid kyekyɛɛ wɔn mu akuakuo+ sɛdeɛ Lewi mma teɛ:+ Gerson, Kohat ne Merari. 7 Gersonfoɔ no: Ladan ne Simei. 8 Ladan mma ne otitire Yehiel,+ Setam ne Yoel,+ wɔyɛ mmiɛnsa. 9 Simei mma ne Selomot, Hasiel ne Haran, wɔyɛ mmiɛnsa. Yeinom ne Ladan abusuafie mpanimfoɔ. 10 Simei mma ne Yahat, Sina,* Yeus ne Beria. Nnan yi ne Simei mma. 11 Yahat ne wɔn so panin, Sisah na ɔdi hɔ. Yeus ne Beria deɛ, wɔanwo mma pii, enti wɔde wɔn boom yɛɛ wɔn abusuafie+ baako na wɔmaa wɔn adwuma koro.
12 Kohat mma+ ne Amram, Yisar,+ Hebron+ ne Usiel,+ wɔyɛ nnan. 13 Amram mma ne Aaron+ ne Mose.+ Nanso wɔyii Aaron sii hɔ+ sɛ ɔne ne mma nte Kronkron mu Kronkronbea+ no ho daa, na wɔmmɔ afɔdeɛ+ Yehowa anim, na wɔnsom no,+ mfa ne din nhyira+ nkɔsi daa. 14 Na nokorɛ Nyankopɔn nipa Mose+ deɛ, wɔkan ne mma no fraa Lewi abusuakuo mu.+ 15 Mose mma ne Gersom+ ne Elieser.+ 16 Na Gersom mma no bi ne otitire Sebuel.+ 17 Elieser babarima ne otitire Rehabia;+ Elieser anwo bio anka ne ho, nanso Rehabia woo mma bebree. 18 Yisar+ mma no bi ne otitire Selomit.+ 19 Na Hebron mma ne otitire Yeria, deɛ ɔtɔ so mmienu ne Amaria, deɛ ɔtɔ so mmiɛnsa ne Yahasiel, na deɛ ɔtɔ so nnan ne Yekameam.+ 20 Usiel mma+ ne otitire Mika, na deɛ ɔtɔ so mmienu ne Yisiya.
21 Merari mma+ ne Mahli ne Musi.+ Na Mahli mma ne Eleasar+ ne Kis. 22 Nanso Eleasar wuiɛ a wanwo mma mmarima na mmom ɔwoo mma mmaa. Enti ne nua Kis mma mmarima no warewaree wɔn.+ 23 Musi mma ne Mahli, Eder ne Yeremot,+ wɔyɛ mmiɛnsa.
24 Yeinom ne Lewi asefoɔ a wɔkan wɔn bobɔɔ wɔn din sɛdeɛ wɔn mmusua teɛ ne sɛdeɛ wɔn agyanom abusuafie teɛ,+ mpanimfoɔ a wɔde adwuma hyehyɛɛ wɔn nsa, Yehowa fie adwumayɛfoɔ+ a wɔadi mfeɛ aduonu rekorɔ.+ 25 Ná Dawid aka sɛ: “Yehowa, Israel Nyankopɔn ama ne man anya home,+ na ɔbɛtena Yerusalem akɔsi daa.+ 26 Na Lewifoɔ no nso rensoa ntomadan no ne emu nneɛma a wɔde som wom no bio.”+ 27 Yeinom ne Lewi asefoɔ a wɔadi mfeɛ aduonu rekorɔ a wɔkan wɔn sɛdeɛ Dawid asɛm+ a ɔka twaa toɔ no teɛ. 28 Wɔn na na wɔboa Aaron asefoɔ+ no, na wɔn som adwuma wɔ Yehowa fie hɔ nie: wɔhwɛ adihɔ+ ne adidibea+ no so, na wɔte akronkronneɛ no ho+ yɛ nokorɛ Nyankopɔn fie som adwuma, 29 wɔyɛ paanoo a wɔde kyerɛ+ ne esiam muhumuhu+ a wɔde bɔ aduane afɔdeɛ ne paanoo ntraantraa+ a mmɔreka nnim+ ne paanoo a wɔtõ no apampaa+ soɔ ne mmɔre a wɔafeteɛ;+ na wɔhwɛ nneɛma a wɔde susu adeɛ so, nketewa ne akɛseɛ nyinaa;+ 30 na wɔgyina hɔ+ anɔpa+ biara da Yehowa ase+ yi no ayɛ,+ na anwummerɛ nso, wɔyɛ saa ara; 31 wɔboa ma wɔbɔ ɔhyeɛ afɔdeɛ wɔ Yehowa anim daa homeda+ ne bosome foforɔ+ ne afahyɛ berɛ+ mu, dodoɔ a mmara kyerɛ sɛ wɔmmɔ mma Yehowa no. 32 Wɔn nso na wɔwɛn+ ahyiaeɛ ntomadan ne kronkronbea+ hɔ ne wɔn nuanom Aaron asefoɔ a wɔyɛ Yehowa fie som adwuma no.+