Dwom

144 Nhyira nka Yehowa, me Botan no;+

Deɛ ɔkyerɛ me nsa akodie,+

Ne me nsateaa ɔsa no;

 2 M’adɔeɛ ne m’abandenden,+

M’abantenten ne me Gyefoɔ,+

Me kyɛm+ ne Deɛ madwane akɔtoa no;+

Deɛ ɔka nkurɔfoɔ hyɛ m’ase no.+

 3 O Yehowa, ɔdasani ne hwan a wodwene ne ho,+

Na onipa ba+ ne hwan a wobu ne ho akonta?

 4 Onipa wɔ hɔ yi, ɔte sɛ mframa ara kwa;+

Ne nna te sɛ sunsum a ɛtwam.+

 5 O Yehowa, kuntunu wo soro mu na siane bra fam;+

Fa wo nsa ka mmepɔ ma no mfiri wisie.+

 6 Toto anyinam bɔ wɔn hwete;+

Soma w’agyan na ma wɔn ani ntan.+

 7 Tene wo nsa firi soro hɔnom;+

Gye me, na yi me firi nsuo bebree no mu,+

Gye me firi ananafoɔ nsam;+

 8 Wɔn na wɔn ano ka atosɛm+

Na wɔn nsa nifa yɛ nkontompo nsa nifa.+

 9 O Onyankopɔn, mɛto dwom foforɔ mama wo.+

Sankuo a ɛso nhoma yɛ du so na mɛto dwom mama woɔ,+

10 Wo a wogye ahemfo,+

Na wogye w’akoa Dawid firi nkrantɛ bɔne ano.+

11 Ma mennya me ho ntete, na gye me firi ananafoɔ nsam;+

Wɔn na wɔn ano ka atosɛm+

Na wɔn nsa nifa yɛ nkontompo nsa nifa;+

12 Na wɔka sɛ: “Yɛn mma mmarima te sɛ nnua nketewa a anyinyini wɔn mmeranteberɛ mu,+

Na yɛn mma mmaa te sɛ ntwea so adum a wɔayɛ no sɛ ahemfie deɛ;

13 Yɛn aduane korabea ayeyɛ amaama; nneɛma ahodoɔ nyinaa bi wom,+

Na yɛn nnwankuo abu abɔ ho wɔ yɛn mmɔnten so, ama baako adane apem ne ɔpedu,

14 Yɛn anantwie mu ayeyɛ duru; ɔsɛeɛ ne apɔn biara mma wɔn mu,+

Na yɛnte gyegyeegye biara wɔ yɛn mmɔnten so.+

15 Anigyeɛ ne nnipa a ɛwie wɔn saa!”

Anigyeɛ ne nnipa a wɔn Nyankopɔn ne Yehowa!+