Dwom

43 Onyankopɔn, bu me atɛn,+

Na ɔman a wɔnka nokorɛ no, wo ne wɔn nni mma me.+

Gye me firi nkontomponi ne omumuyɛfoɔ nsam.+

 2 Na wone me Nyankopɔn, me dwankɔbea.+

Adɛn nti na woato me atwene?

Na adɛn nti na mede awerɛhoɔ nanteɛ, atamfo nhyɛsoɔ nti?+

 3 Soma wo hann ne wo nokorɛ.+

Ma no mmɛdi m’anim.+

Ma no mfa me mmra wo bepɔ kronkron no so ne wo ntomadan kɛseɛ no mu.+

 4 Na mɛkɔ me Nyankopɔn afɔrebukyia ho,+

M’ahurisie ne m’anigyeɛ Nyankopɔn no.+

Onyankopɔn, mede sankuten mɛkamfo wo, O me Nyankopɔn.+

 5 Me kra, adɛn nti na woabotoɔ?+

Na adɛn nti na wontumi nyɛ komm me mu?

Twɛn Onyankopɔn,+

Na mɛkamfo no bio sɛ me nkwagyeɛ kɛseɛ ne me Nyankopɔn.+