Dwom

45 Asɛmpa ahyɛ m’akoma ma abu so.+

Mese: “Me nnwuma fa ɔhene ho.”+

Ma me kɛtrɛma nyɛ sɛ ɔtwerɛfoɔ*+ a ne ho akokwa twerɛdua.+

 2 Wo ho yɛ fɛ sene nnipa mma koraa.+

Wɔde animuonyam ahyɛ w’ano.+

Ɛno nti na Onyankopɔn ahyira wo daa no.+

 3 Otumfoɔ,+ fa wo nkrantɛ+ bɔ w’asene ɛ,

Ɛne w’animuonyam ne w’anidie;+

 4 Na kɔdi nkonim w’animuonyam mu;+

Tena wo pɔnkɔ so ma nokorɛdie ne ahobrɛaseɛ ne tenenee,+

Na wo nsa nifa bɛkyerɛkyerɛ wo anwanwadwuma.+

 5 W’agyan nnamnam no bɛwowɔ ɔhene atamfo akoma mu;+

Aman bɛhwehwe ase daa wo nan ase.+

 6 Onyankopɔn ne w’ahennwa daa daa,+

Na w’ahempoma yɛ teeyɛ poma.+

 7 Wodɔɔ tenenee,+ na wokyirii mmarato.+

Ɛno nti na Onyankopɔn, wo Nyankopɔn,+ de ahurisie ngo+ asra wo+ sene wo mfɛfoɔ no.+

 8 Kurobo ne pɛprɛ ne kasia dua yi hwa wo ntadeɛ nyinaa mu;+

Sankuo a wɔbɔ no asommɛn+ aban mu ma wodi ahurisie.

 9 Ahemfo mmabaa+ wɔ wo mmaa animuonyamfoɔ mu.

Ɔhemmaa ne ne nkurɔfoɔ+ abɛgyina wo nsa nifa so, Ofir sika mu.+

10 Tie, ɔbabaa, na hwɛ, na yɛ aso;

Ma wo werɛ mfiri wo nkurɔfoɔ ne wo papa fie.+

11 Ɔhene ani bɛgyina w’ahoɔfɛ,+

Ɔne wo wura,+

Enti koto no.+

12 Tiro babaa nso de akyɛdeɛ ba+—

Ɔman no mu adefoɔ bɛdwodwo wo bo.+

13 Ɔhene babaa wɔ animuonyam nyinaa bi wɔ fie hɔ;+

N’atadeɛ, wɔde sika anwene mu.

14 Ɔhyɛ ntadeɛ a wɔanwene, na wɔde no brɛ ɔhene.+

Wɔde ne mfɛfoɔ mmaabunu a wɔka ne ho bɛbrɛ wo.+

15 Ahurisie ne anigyeɛ mu na wɔde wɔn bɛba;

Wɔbɛhyɛn ɔhene ahemfie.

16 Wo mma+ bɛsi w’agyanom+ ananmu,

Na wobɛyɛ wɔn mpanimfoɔ, asase nyinaa so.+

17 Mɛbɔ wo din, awoɔ ntoatoasoɔ a ɛbɛba nyinaa mu.+

Ɛno nti na aman bɛkamfo wo daa daa no.