Dwom

89 Mɛto Yehowa adɔeɛ ho dwom akɔsi daa.+

Mede m’ano bɛka wo nokorɛdie ho asɛm awoɔ ntoatoasoɔ nyinaa mu.+

 2 Maka sɛ: “Adɔeɛ bɛtim hɔ afebɔɔ;+

Ɔsoro nso, woama wo nokorɛdie atim pintinn wɔ hɔ.”+

 3 “Me ne deɛ mayi no no ayɛ apam;+

Maka ntam akyerɛ m’akoa Dawid+ sɛ,

 4 ‘Mɛma w’aseni atim afebɔɔ,+

Na mama w’ahennwa atim,+ awoɔ ntoatoasoɔ akyi awoɔ ntoatoasoɔ mu.’ ” Sela.

 5 O Yehowa, ɔsoro bɛkamfo anwanwadeɛ a woayɛ,+

Na wo nokorɛdie nso, wɔbɛkamfo wɔ akronkronfoɔ asafo mu.

 6 Hwan na wɔbɛtumi de no atoto Yehowa ho wɔ soro?+

Hwan na ɔne Yehowa sɛ wɔ Onyankopɔn mma mu?+

 7 Ɛsɛ sɛ wɔsuro Nyankopɔn wɔ akronkronfoɔ asafo mu;+

Ɔyɛ kɛseɛ na ne ho yɛ hu sene wɔn a wɔatwa ne ho ahyia nyinaa.+

 8 O asafo Yehowa Nyankopɔn,+

Hwan na ɔwɔ ahoɔden sɛ woɔ, O Yah?+

Wo nokorɛdie atwa wo ho nyinaa ahyia.+

 9 Wo na wodi po a ɛpagyapagya ne ho no soɔ;+

Sɛ ɛmema n’asorɔkye so a, wo na woma no yɛ dinn.+

10 Wo na woabubu Rahab pasaa+ sɛ obi a wɔaku no.+

Wode wo basa a ɛyɛ den no na abɔ w’atamfo ahweteɛ.+

11 Ɔsoro yɛ wo dea,+ asase nso yɛ wo dea;+

Asase ne deɛ ɛwɔ mu nyinaa+—wo na woyɛeɛ.+

12 Atifi ne anafoɔ—wo na wobɔeɛ;+

Tabor+ ne Hermon+—wo din mu na wɔto ahurisi dwom.+

13 Basa a tumi wom yɛ wo dea,+

Wo nsa yɛ den,+

Na wo nsa nifa wɔ soro.+

14 Tenenee ne atemmuo yɛ w’ahennwa nnyinasoɔ;+

Adɔeɛ ne nokorɛ wɔ w’anim.+

15 Anigyeɛ ne ɔman a wɔto ahurisi dwom.+

O Yehowa, w’anim hann mu na wɔnante daa.+

16 Wo din mu na wɔdi ahurisie daa nyinaa+

Na wo tenenee mu na wɔama wɔn soɔ.+

17 Wone wɔn ahoɔden animuonyam;+

W’adom mu na yɛn abɛn di nkonim.+

18 Yɛn kyɛm yɛ Yehowa dea,+

Na yɛn hene yɛ Israel Kronkronni no dea.+

19 Saa berɛ no wokasaa anisoadehunu mu kyerɛɛ w’anokwafoɔ,+

Na wokaa sɛ:

“Madi aboa otumfoɔ bi;+

Mama deɛ mayi no afiri ɔman no mu so.+

20 Mahunu m’akoa Dawid;+

Mede me ngo kronkron asra no;+

21 Ɔno na me nsa bɛsɔ ne mu den,+

Na me basa bɛhyɛ no den.+

22 Ɔtamfo biara rensisi no,+

Na amumuyɔfoɔ asefoɔ biara renhyɛ ne so.+

23 N’anim na mebubuu n’atamfo pasapasa,+

Na wɔn a wɔkyiri no kɔkɔkɔkɔ no, mebobɔɔ wɔn.+

24 Me nokorɛdie ne m’adɔeɛ ne no na ɛteɛ,+

Na me din mu na n’abɛn di nkonim.+

25 Mede ne nsa ato po so,+

Na ne nsa nifa nso, mede ato nsubɔnten so.+

26 Ɔno deɛ, ɔbɛka akyerɛ me sɛ, ‘Wone m’Agya,+

Me Nyankopɔn+ ne me nkwagyeɛ Botan.’+

27 Mede no bɛyɛ abakan,+

Na ɔbɛyɛ asase so ahemfo mu pumpuni.+

28 Mɛma m’adɔeɛ ne no atena daa,+

Na m’apam renni no hwammɔ da.+

29 Mɛma n’aseni atim daa daa,+

Na n’ahennwa bɛyɛ sɛ ɔsoro nna.+

30 Sɛ ne mma gya me mmara+

Na wɔannante m’atemmusɛm mu,+

31 Sɛ wɔgu m’ahyɛdeɛ ho fĩ

Na wɔanni me mmara nsɛm so a,

32 Ɛnneɛ me nso mɛma m’ani akɔ wɔn mmarato so, mede poma,+

Ne wɔn mfomsoɔ so, mede abaa.+

33 Nanso m’adɔeɛ deɛ, merenyi mfiri ne so,+

Na me nokorɛdie rennane atorɔ.+

34 Merengu m’apam ho fĩ,+

Na m’anom asɛm nso, merensesã.+

35 Maka me kronkronyɛ mu ntam+ prɛko,

Na merentwa Dawid nkontompo.+

36 N’aseni bɛtim afebɔɔ,+

Na n’ahennwa bɛyɛ sɛ awia wɔ m’anim.+

37 Ɛbɛtim afebɔɔ sɛ bosome,

Na ayɛ sɛ wiem danseni nokwafoɔ no.” Sela.

38 Nanso wo deɛ, woato deɛ woasra no no atwene, na ne ho ayɛ wo aniwu;+

Woafa deɛ woasra no no ho abufuo.+

39 Woahura w’akoa apam ho;

Woabrɛ n’ahemmotire ase de ato fam.+

40 Woabubu nnwammuo a wɔde aboɔ ayɛ no nyinaa agu;+

Woasɛe n’abandenden pasaa.+

41 Wɔn a wɔretwam nyinaa afom no afa;+

Wadane ahohoradeɛ ama wɔn a wɔbɛn no.+

42 Woama wɔn a wɔkyiri no no nsa nifa so;+

Woama n’atamfo nyinaa adi ahurisie.+

43 Afei nso, woama ne nkrantɛ ayɛ sɛ ɔtamfo deɛ,+

Na woamma no annyina wɔ akono.+

44 Woama n’animuonyam abɔ no,+

Na woato n’ahennwa atwene fam.+

45 Woatwa ne mmeranteberɛ nna so;

Wode animguaseɛ afira no.+ Sela.

46 O Yehowa, wode w’anim bɛhunta akɔsi da bɛn? Afebɔɔ anaa?+

W’abufuo bɛkɔ so adɛre sɛ gya?+

47 Kae sɛdeɛ me nkwa nna tenten teɛ.+

Enti wobɔɔ nnipa mma nyinaa kwa anaa?+

48 Ɔbarima bɛn na ɔte aseɛ a ɔrenwu da?+

Ɔbɛtumi agye ne kra afiri Adamena* nsam anaa?+ Sela.

49 O Yehowa, ɛhe na wo kane adɔeɛ no wɔ,

Deɛ wokaa ho ntam kyerɛɛ Dawid, wo nokorɛdie mu no?+

50 O Yehowa, kae ahohora a aba wo nkoa soɔ no,+

Aman pii ahohora a masoa no me kokom no,+

51 O Yehowa, kae sɛdeɛ w’atamfo abɔ no ahohora,+

Sɛdeɛ wɔabɔ deɛ woasra no no ahohora biribiara mu no.+