Mmebusɛm

30 Yake ba Agur nsɛm a emu yɛ duro.+ Ɔbarima no anom nsɛm a ɔde kɔmaa Itiel, Itiel ne Ukal.

2 Me na menni adwene koraa wɔ nnipa mu,+ na nteaseɛ a adasamma wɔ no, menni bi;+ 3 mensuaa nyansa;+ na menni Ɔsorosoroni no nimdeɛ no bi.+

4 Hwan na waforo akɔ soro na wasiane?+ Hwan na ɔde ne nsa mmienu akye mframa?+ Hwan na ɔbɔ nsuo boaa, ntoma mu?+ Hwan na ɔmaa asase ano nyinaa baeɛ?+ Sɛ wonim a, ne din de sɛn,+ na ne ba din de sɛn?+

5 Onyankopɔn nsɛm nyinaa ho te.+ Ɔyɛ kyɛm ma wɔn a wɔdwane kɔtoa no.+ 6 Mfa biribiara nka ne nsɛm ho+ na wanka w’anim, na woanyɛ ɔtorofoɔ.+

7 Nneɛma mmienu na mesrɛ firi wo hɔ.+ Mfa nkame me ansa na mawu.+ 8 Yi nkontompo ne atosɛm firi me ho kɔ akyirikyiri.+ Mma me ohia anaa ahonyadeɛ.+ Ma me aduane a ɛbɛso me na menni,+ 9 sɛdeɛ ɛbɛyɛ a meremmee na mempa wo+ nka sɛ: “Hwan ne Yehowa?”+ anaa ɛrenhia me, na memmɔ korɔno mmɔ me Nyankopɔn din ahohora.+

10 Nsɛe akoa din nkyerɛ ne wura,+ na wannome wo, na woanni fɔ.+

11 Nnipa bi wɔ hɔ a wɔdome wɔn papa, na wɔnhyira wɔn maame nso.+

12 Nnipa bi wɔ hɔ a wɔn ho te wɔn ara wɔn ani so,+ nanso wɔnhohoroo wɔn ho fĩ.+

13 Nnipa bi wɔ hɔ a wɔn ani tra wɔn ntɔn, na wɔn ani nsɔ adeɛ.+

14 Nnipa bi wɔ hɔ a wɔn sẽ yɛ nkrantɛ, wɔn apantan yɛ sekan,+ na wɔde we mmɔborɔfoɔ firi asase so ne ahiafoɔ firi adasamma mu.+

15 Amemem wɔ mma mmaa mmienu a wɔteam sɛ: “Fa bra! Fa bra!” Nneɛma mmiɛnsa na ɛmmee da, na nneɛma nnan na ɛnka sɛ: “Ayɛ yie!” 16 Adamena*+ ne obonini yafunu,+ asase a nsuo mmee no da,+ ne egya+ a ɛnka sɛ: “Ayɛ yie!”+

17 Aniwa a ɛdi ne papa ho fɛ na ɛbu ne maame asɛm tie animtia+ no—asuo ho kwaakwaadabi bɛtutu na ɔkɔdeɛ mma adi.

18 Nneɛma mmiɛnsa na ɛyɛ me nwanwa dodo, na nnan na mente aseɛ: 19 ɔkɔdeɛ kwan wɔ wiem, ɔwɔ kwan wɔ abotan so, ɛhyɛn kwan wɔ ɛpo so,+ ne ɔbarima kwan wɔ ababaa ho.+

20 Ɔbaa waresɛefoɔ kwan nie: wadidi, wapepa n’ano, na ɔka sɛ: “Menyɛɛ bɔne biara.”+

21 Nneɛma mmiɛnsa na ɛwoso asase, na nnan yi na ɛmma no ntumi nnyina: 22 sɛ́ akoa bɛdi hene+ na deɛ ɔnni adwene bɛdidi amee;+ 23 sɛ́ ɔbaa a obiara mpɛ n’asɛm bɛnya kunu,+ na afenaa bɛpamo n’awuraa.+

24 Nneɛma nnan yi na ɛsusua wɔ asase so, nanso ɛnim nyansa firi awoɔ mu:+ 25 ntɛtea yɛ ɔman a wɔnni ahoɔden+ nanso wɔsiesie wɔn aduane ahuhuro berɛ mu;+ 26 nkukuban+ nyɛ ɔman kɛseɛ, nanso wɔsi wɔn dan ɔbotan so;+ 27 ntutummɛ+ nni ɔhene nanso wɔn nyinaa firi adi akuakuo;+ 28 efiewura+ nsa na ɔde sosɔ nneɛma mu, nanso ɔkɔ ɔhene ahemfie kɛseɛ mu.

29 Nneɛma mmiɛnsa na wɔyi akyẽa wɔn anammɔntutuo mu, na nnan yi na wɔn nanteɛ yɛ fɛ: 30 gyata, mmoadoma mu ɔhoɔdenfoɔ a ɔnnane ne ho obiara anim;+ 31 ɔkraman a wɔde no kɔ ahayɔ anaa ɔpapo, ne ɔhene a n’asraafoɔdɔm ka ne ho.+

32 Sɛ woadi nkwaseasɛm ama wo ho so,+ na sɛ wode w’adwene asi so a, fa wo nsa to w’ano.+ 33 Sɛ wɔkyĩ nufosuo mu a, bɔta na ɛba; wɔmia hwene a, mogya na ɛba, na wɔmia abufuo a, ɔham na ɛba.+