Yona

2 Afei Yona bɔɔ Yehowa, ne Nyankopɔn mpaeɛ wɔ apataa no yam,+ 2 na ɔkaa sɛ:

“M’ahohia mu na mesu frɛɛ Yehowa,+ na ɔgyee me so.+

Adamena* yafunu mu na mesu hwehwɛɛ mmoa.+

Na wotiee me.+

 3 Berɛ a wotoo me too ebunu mu, na mekɔɔ ɛpo akomam tɔnn no,+

Nsuo dii kyinhyia faa me ho.

Na w’asorɔkye de ne tumi nyinaa bu faa me so.+

 4 Ɛnna mekaa sɛ, ‘Wɔapamo me afiri w’anim!+

Ɛbɛyɛ dɛn na matumi ahwɛ w’asɔrefie kronkron no bio?’+

 5 Nsuo twaa me ho hyia bɛduruu me kra ho;+ subunu menee me.

Na nwura kyekyeree me ti.

 6 Mesiane kɔɔ mmepɔ ase tɔnn.

Na asase adaban kaa me hyɛɛ mu daa.

Nanso wo Yehowa me Nyankopɔn, woyii me nkwa firii amena mu.+

 7 Berɛ a me kra hodwoeɛ no,+ mekaee Yehowa.+

Na mede me mpaebɔ baa w’anim, w’asɔrefie kronkron hɔ.+

 9 Nanso me deɛ, mede me nne bɛyi wo ayɛ na mabɔ afɔdeɛ ama wo.+

Ɛbɔ a mahyɛ biara mɛtua.+ Na nkwagyeɛ yɛ Yehowa dea.”+