• 1 Berɛsosɛm 16:28-33
    Twerɛ Kronkron—Wiase Foforɔ Nkyerɛaseɛ

    • 28 Mmusua a mowɔ aman nyinaa mu, momfa Yehowa anidie mma no;

      Yehowa animuonyam ne n’ahoɔden nti, momfa anidie mma no.+

      29 Momfa animuonyam a ɛfata Yehowa din mma no;+

      Momfa akyɛdeɛ mmra n’anim.+

      Monhyɛ ntaade kronkron mfa nkoto* Yehowa.*+

      30 Asaase nyinaa, mo ho mpopo n’anim!

      Asaase tim hɔ pintinn; ɛrenhinhim da.+

      31 Momma ɔsoro nni ahurisie, na asaase ani nnye.+

      Monka no amanaman no mu sɛ: ‘Yehowa abɛyɛ Ɔhene!’+

      32 Momma ɛpo ne deɛ ɛwom nyinaa nworo so;

      Momma kwaeɛ ne deɛ ɛwom nyinaa nni ahurisie.

      33 Wuram nnua nso, momma ne nyinaa nto ahurisi dwom wɔ Yehowa anim,

      Ɛfiri sɛ ɔreba abɛbu* asaase atɛn.