Berɛsosɛm Nwoma a Ɛdi Kan
16 Enti wɔde nokorɛ Nyankopɔn no Adaka no baeɛ, na wɔde bɛsii ntomadan a Dawid si maa no no mu;+ ɛnna wɔbɔɔ ɔhyeɛ afɔreɛ ne asomdwoeɛ afɔreɛ wɔ nokorɛ Nyankopɔn no anim.+ 2 Berɛ a Dawid bɔɔ ɔhyeɛ afɔreɛ+ ne asomdwoeɛ afɔreɛ+ no wieeɛ no, ɔde Yehowa din hyiraa ɔman no. 3 Bio nso, ɔmaa Israelfoɔ nyinaa, ɔbarima ne ɔbaa biara, paanoo kurukuruwa baako ne nkyiresia* aba keeki ne bobe keeki. 4 Afei ɔyii Lewifoɔ no bi sɛ wɔnsom wɔ Yehowa Adaka no anim,+ na wɔnhyɛ Israel Nyankopɔn Yehowa animuonyam,* na wɔnna no ase nyi no ayɛ. 5 Asaf+ ne wɔn panin, na Sakaria tɔ so mmienu; ɛnna Yeiel, Semiramot, Yehiel, Matitia, Eliab, Benaia, Obed-Edom ne Yeiel+ bɔɔ asankuo ahodoɔ nyinaa bi;+ Asaf nso bɔɔ nnawuro,*+ 6 na ɔsɔfoɔ Benaia ne ɔsɔfoɔ Yahasiel hyɛn ntotorobɛnto wɔ nokorɛ Nyankopɔn no apam adaka no anim daa.
7 Saa da no ne berɛ a ɛdi kan a Dawid hyehyɛɛ nnwom maa Asaf+ ne ne nuanom de daa Yehowa ase sɛ:
10 Momfa ne din kronkron no nhoahoa mo ho.+
Momma wɔn a wɔhwehwɛ Yehowa no akoma nni ahurisie.+
11 Monhwehwɛ Yehowa+ ne n’ahoɔden.
Monhwehwɛ n’anim adom daa.+
12 Anwanwadwuma ne nsɛnkyerɛnne a wayɛ
Ne n’atemmusɛm no, monkae,+
13 Mo a moyɛ n’akoa Israel asefoɔ*+
Ne Yakob mma a wayi mo.+
14 Ɔno ne Yehowa, yɛn Nyankopɔn;+
N’atemmusɛm kɔduru asaase so baabiara.+
15 N’apam ne ɛbɔ a ɔhyɛɛ* awoɔ ntoatoasoɔ apem no,
Monkae nkɔsi daa;+
16 Ɛno ne apam a ɔne Abraham yɛeɛ+
Ne ntam a ɔkaa Isak no.+
17 Ɔde yɛɛ ahyɛdeɛ maa Yakob,+
Na ɔde maa Israel sɛ daa apam.
18 Ɔkaa sɛ: ‘Mede Kaanan asaase bɛma wo+
Sɛ agyapadeɛ a matwa ama wo.’+
21 Wamma obiara anhyɛ wɔn so,+
Na mmom wɔn nti ɔkaa ahemfo anim.+
22 Ɔkaa sɛ: ‘Mommfa mo nsa nnka me nkurɔfoɔ a masra wɔn no,
Na monnyɛ m’adiyifoɔ bɔne.’+
23 Asaase nyinaa, monto dwom mma Yehowa!
Mommɔ ne nkwagyeɛ dawuro da biara!+
24 Monka n’animuonyam nkyerɛ amanaman;
Monka n’anwanwadwuma ho asɛm aman nyinaa mu.
25 Yehowa yɛ kɛseɛ; ɔno na ayeyie sɛ no.
Ɔfata sɛ yɛsuro no sene anyame nyinaa.+
28 Mmusua a mowɔ aman nyinaa mu, momfa Yehowa anidie mma no;
Yehowa animuonyam ne n’ahoɔden nti, momfa anidie mma no.+
Monhyɛ ntaade kronkron mfa nkoto* Yehowa.*+
30 Asaase nyinaa, mo ho mpopo n’anim!
Asaase tim hɔ pintinn; ɛrenhinhim da.+
32 Momma ɛpo ne deɛ ɛwom nyinaa nworo so;
Momma kwaeɛ ne deɛ ɛwom nyinaa nni ahurisie.
33 Wuram nnua nso, momma ne nyinaa nto ahurisi dwom wɔ Yehowa anim,
Ɛfiri sɛ ɔreba abɛbu* asaase atɛn.
35 Monka sɛ, ‘O yɛn nkwagyeɛ Nyankopɔn, gye yɛn,+
Boaboa yɛn ano, na gye yɛn firi amanaman no nsam,
Na yɛmfa aseda mma wo din kronkron no,+
Ɔman no nyinaa kaa sɛ, “Amen!”* na wɔyii Yehowa ayɛ.
37 Ɛnna Dawid gyaa Asaf+ ne ne nuanom wɔ Yehowa apam adaka no anim sɛ daa wɔnsom wɔ Adaka no anim+ sɛdeɛ ɛhia sɛ wɔyɛ da biara.+ 38 Ná Obed-Edom ne ne nuanom 68, ne Yedutan ba Obed-Edom ne Hosa yɛ apono ano ahwɛfoɔ; 39 na ɔgyaa ɔsɔfoɔ Sadok+ ne ne nuanom asɔfoɔ no wɔ Yehowa ntomadan no anim wɔ sorɔnsorɔmmea* a ɛwɔ Gibeon+ no, 40 sɛ wɔmmɔ ɔhyeɛ afɔreɛ mma Yehowa wɔ ɔhyeɛ afɔrebukyia no so daa, anɔpa ne anwummerɛ, na wɔnyɛ deɛ Yehowa Mmara a wɔtwerɛ maa Israel no aka nyinaa;+ 41 Nnipa a wɔka ho ne Heman ne Yedutan+ ne wɔn a aka a wɔbobɔɔ wɔn din yii wɔn; wɔn na wɔdaa Yehowa ase,+ ɛfiri sɛ “ne dɔ nni hwammɔ; ɛwɔ hɔ daa”;+ 42 ná Heman+ ne Yedutan a wɔka wɔn ho no bɔ ntotorobɛnto ne nnawuro,* na wɔkurakura nneɛma a wɔde yi nokorɛ Nyankopɔn no ayɛ,* na na Yedutan mma+ no wɔ pono ano. 43 Afei ɔmanfoɔ no mu biara kɔɔ ne fie. Ɛnna Dawid nso kɔhyiraa ne fiefoɔ.