1 Berɛsosɛm
16 Na wɔde nokorɛ Nyankopɔn adaka no baeɛ,+ na wɔde bɛsii ntomadan a Dawid si maa no no mu;+ na wɔbɔɔ ɔhyeɛ afɔdeɛ ne asomdwoeɛ afɔdeɛ wɔ nokorɛ Nyankopɔn anim.+ 2 Berɛ a Dawid wiee ɔhyeɛ afɔdeɛ+ ne asomdwoeɛ afɔdeɛ+ no, ɔhyiraa+ ɔman no Yehowa din mu.+ 3 Bio nso ɔmaa+ Israelfoɔ nyinaa, ɔbarima ne ɔbaa biara, paanoo kurukuruwa baako ne nkyiresia taterɛ ne bobe taterɛ. 4 Na ɔyii Lewifoɔ+ no bi sɛ wɔnsom+ Yehowa adaka no anim, na wɔnkaekae+ Yehowa, Israel Nyankopɔn no nnwuma, na wɔnna no ase+ nyi no ayɛ;+ 5 Asaf+ ne wɔn ti, na Sakaria tɔ so mmienu, ne Yeiel, Semiramot, Yehiel, Matitia, Eliab, Benaia, Obed-Edom ne Yeiel;+ wɔkurakura asankuo+ ahodoɔ nyinaa bi, na Asaf+ kura dawuta a ɛgyegye kɛse,+ 6 na ɔsɔfoɔ Benaia ne ɔsɔfoɔ Yahasiel hyɛnee ntotorobɛnto+ daa wɔ nokorɛ Nyankopɔn apam adaka no anim.
7 Saa da no na Dawid dii kan faa Asaf+ ne ne nuanom so de nnwontoɔ+ daa Yehowa aseɛ+ sɛ:
8 “Monna Yehowa ase,+ mommɔ ne din,+
Monka ne nneyɛɛ ho asɛm amanaman mu!+
14 Ɔno ne Yehowa, yɛn Nyankopɔn;+ n’atemmusɛm+ kɔduru asase so baabiara.
24 Monka n’animuonyam ho asɛm amanaman mu,
Monka n’anwanwadwuma ho asɛm aman nyinaa mu.
29 Momfa Yehowa din animuonyam mma no;+
Momfa akyɛdeɛ mmra n’anim.+
Momfa ahohyehyɛ kronkron nkoto Yehowa;+
31 Momma ɔsoro nni ahurisie, na asase ani nnye.+
Momma wɔnka no amanaman no mu sɛ: ‘Yehowa afiri aseɛ redi hene!’+
33 Wuram nnua nso, momma ne nyinaa nto ahurisi dwom Yehowa anim,+
Ɛfiri sɛ waba sɛ ɔrebɛbu asase atɛn.+
35 Na monka sɛ, ‘O yɛn nkwagyeɛ Nyankopɔn, gye yɛn,+
Boaboa yɛn ano, na gye yɛn firi amanaman no nsam,+
Na yɛmfa aseda mma wo din kronkron no,+ na yɛmfa ahosɛpɛ nyi wo ayɛ.+
36 Nhyira nka Yehowa, Israel Nyankopɔn no firi mmerɛsanten kɔsi mmerɛsanten.’”+
Na ɔman no nyinaa kaa sɛ, “Amen!” na wɔyii Yehowa ayɛ.+
37 Ɛnna ɔgyaa Asaf+ ne ne nuanom wɔ Yehowa apam adaka no anim sɛ wɔnsom+ wɔ Adaka no anim daa sɛdeɛ ɛhia da biara;+ 38 ne Obed-Edom ne ne nuanom, aduosia nwɔtwe, ne Yedutan ba Obed-Edom ne Hosa sɛ wɔnyɛ apono ano ahwɛfoɔ; 39 na ɔgyaa ɔsɔfoɔ Sadok+ ne ne nuanom asɔfoɔ no Yehowa ntomadan no anim wɔ sorɔnsorɔmmea a ɛwɔ Gibeon+ no, 40 sɛ wɔmmɔ ɔhyeɛ afɔdeɛ mma Yehowa wɔ ɔhyeɛ afɔrebukyia no so daa, anɔpa ne anwummerɛ, sɛdeɛ wɔatwerɛ no Yehowa mmara a ɔhyɛɛ Israel nyinaa mu no;+ 41 ne Heman+ ne Yedutan ne wɔn a wɔyii wɔn a wɔbobɔɔ wɔn din+ no nkaeɛ, sɛ wɔnna Yehowa ase,+ ɛfiri sɛ “n’adɔeɛ wɔ hɔ daa”;+ 42 ná Heman+ ne Yedutan+ a wɔka wɔn ho no bɔ ntotorobɛnto+ ne nnawuta, na wɔkurakura nneɛma a wɔde to dwom ma nokorɛ Nyankopɔn nso, na Yedutan mma+ no wɔ pono ano. 43 Na ɔmanfoɔ no nyinaa siim kɔeɛ, obiara kɔɔ ne fie.+ Ɛnna Dawid nso san kɔhyiraa ne fie.