1 Berɛsosɛm

17 Ɛbaa sɛ berɛ a Dawid bɛtenaa ne fie+ ara pɛ na Dawid ka kyerɛɛ odiyifoɔ Natan+ sɛ: “Hwɛ, me deɛ, mete fie a wɔde ntweneduro+ asie mu, nanso Yehowa apam adaka+ no si ntomadan mu.”+ 2 Ɛnna Natan ka kyerɛɛ Dawid sɛ: “Deɛ ɛda w’akoma soɔ biara, yɛ,+ na nokorɛ Nyankopɔn no di w’akyi.”+

3 Ɛbaa sɛ saa anadwo no, Onyankopɔn asɛm+ baa Natan nkyɛn sɛ: 4 “Kɔ na kɔka kyerɛ m’akoa Dawid sɛ, ‘Deɛ Yehowa aka nie: “Ɛnyɛ wo na wobɛsi fie ama matena mu.+ 5 Ɛfiri da a mekɔyii Israel baeɛ de bɛsi nnɛ, mentenaa efie mu da,+ ntomadan mu ara na matena, na mefiri tenabea+ baako mu kɔ tenabea foforɔ mu.+ 6 Berɛ a menantee+ Israel mu no nyinaa, da bɛn na meka kyerɛɛ Israel atemmufoɔ a mehyɛɛ wɔn sɛ wɔnyɛn me man no bi sɛ ‘Adɛn nti na monsii tweneduro fie mmaa me?’”’+

7 “Afei yei na ka kyerɛ m’akoa Dawid, ‘Deɛ asafo Yehowa aka nie: “Me na meyii wo firii mmoa adidibea sɛ gyae mmoa akyiridie+ na bɛdi me man Israel anim.+ 8 Mɛdi w’akyi wo nanteɛ nyinaa mu,+ na mɛtwa w’atamfo+ nyinaa afiri w’anim na mama woanya din+ sɛ asase so atitire no din.+ 9 Na mɛsiesie baabi ama me man Israel na mede wɔn akɔdua hɔ;+ ɛhɔ na wɔbɛtena, na biribiara renha wɔn adwene bio. Amumuyɔfoɔ asefoɔ+ biara renteetee wɔn bio sɛ kane nna no,+ 10 nna a mede atemmufoɔ+ sisii me man Israel soɔ no. Mɛbrɛ w’atamfo nyinaa ase.+ Na mese wo sɛ, ‘Yehowa bɛkyekyere fie ama wo.’+

11 “‘“Na ɛbɛba sɛ, sɛ wo nna wie duru na wo ne w’agyanom kɔda+ a, mɛma w’aseni bi so w’akyi, wo mma no baako,+ na mɛma n’ahennie atim.+ 12 Ɔno na ɔbɛsi fie ama me,+ na mɛma n’ahennwa atim afebɔɔ.+ 13 Me na mɛyɛ n’agya,+ na ɔno nso ayɛ me ba;+ merenyi m’adɔeɛ mfiri ne so+ sɛdeɛ meyi firii deɛ ɔdii w’anim no soɔ no.+ 14 Mede no bɛsi me fie+ ne m’ahennie so+ afebɔɔ, na n’ahennwa+ nso bɛtim afebɔɔ.”’”

15 Sɛdeɛ nsɛm yi nyinaa ne anisoadehunu yi nyinaa teɛ no, saa na Natan ka kyerɛɛ Dawid.+

16 Yei akyi no, Ɔhene Dawid bɛtenaa Yehowa anim,+ na ɔkaa sɛ: “O Yehowa Nyankopɔn, hwan ne me,+ na me fie yɛ deɛn+ a wode me abɛduru ha yi?+ 17 Nanso yei nyinaa yɛ w’ani so ade ketewa bi,+ O Onyankopɔn;+ woasan aka deɛ ɛbɛba w’akoa fie so daakye-daakye,+ na woabu me sɛ onipa a ɔwɔ dibea kɛseɛ,+ O Yehowa Nyankopɔn. 18 Ɛdeɛn bio na Dawid nka, animuonyam a wode ahyɛ w’akoa no ho?+ Wo na wonim w’akoa yie.+ 19 O Yehowa, w’akoa nti woayɛ nneɛma akɛseɛ yi nyinaa sɛdeɛ ɛwɔ w’akoma mu,+ na woama wɔahunu wo nnwuma akɛseɛ no.+ 20 O Yehowa, obiara nni hɔ a ɔte sɛ woɔ,+ na Onyame biara nni hɔ sɛ wo;+ deɛ yɛde yɛn aso ate afa wo ho no nyinaa kyerɛ saa. 21 Na ɔman bɛn bio na ɛwɔ asase so a ɛte sɛ wo man Israel+ a nokorɛ Nyankopɔn gyee wɔn yɛɛ ne man?+ Ɔman bɛn na wonam wɔn so ayɛ anwanwadwuma akɛseɛ de anya din?+ Ɛnyɛ wo man a wogyee wɔn firii Egypt no na woyɛɛ ahudeɛ de pamoo amanaman+ no firii wɔn anim? 22 Na wode wo nkurɔfoɔ Israel yɛɛ wo man+ daa, na wo Yehowa, wobɛyɛɛ wɔn Nyankopɔn.+ 23 Afei Yehowa, ma asɛm a woaka afa w’akoa ne ne fie ho no ntim daa, na yɛ sɛdeɛ woaka no. 24 Ma wo din+ nnyina na ɛnyɛ kɛse+ daa, na nkurɔfoɔ nka sɛ, ‘Israel Nyankopɔn,+ asafo Yehowa,+ no ne Onyankopɔn ma Israel,’+ na ma w’akoa Dawid ase ntim w’anim.+ 25 Na wo, me Nyankopɔn na woayi no adi akyerɛ w’akoa sɛ wobɛkyekyere efie ama no.+ Ɛno nti na w’akoa rebɔ mpaeɛ w’anim yi. 26 Na afei Yehowa, wone nokorɛ Nyankopɔn+ no, wo na wode adepa yi ahyɛ w’akoa bɔ.+ 27 Enti ma no nyɛ wo fɛ na hyira w’akoa fie na ɛntena w’anim daa;+ ɛfiri sɛ wo Yehowa, wo na woahyira me fie, na ɛbɛyɛ nhyira daa.”+