Dwom

92 Ɛyɛ sɛ yɛbɛda Yehowa ase,+

Na yɛato ayeyi dwom* ama wo din, O Ɔsorosoroni;

 2 Ɛyɛ sɛ yɛbɛka wo dɔ a ɛnni hwammɔ+ no ho asɛm anɔpa,

Na yɛaka wo nokorɛdie ho asɛm anadwo,

 3 Na yɛabɔ sankuo a ɛwɔ nhoma du ne sankuwa,

Ne dwom dɛdɛ wɔ sankuten so.+

 4 O Yehowa, wo na woma medi ahurisie wɔ wo nnwuma ho;

Wo nsa ano adwuma nti, meto ahurisi dwom.

 6 Obiara a ɔnni adwene rentumi nhunu mu,

Na gyimifoɔ biara rentumi nte aseɛ sɛ:+

 7 Sɛ nnebɔneyɛfoɔ fifi sɛ wura,*

Na sɛ amumuyɛfoɔ nyinaa yɛ frɔmfrɔm a,

Ɛyɛ ɔsɛeɛ korakora a ɛbɛba wɔn so ntira.+

 9 O Yehowa, hwɛ sɛdeɛ w’atamfo bɛdi nkoguo,

Hwɛ sɛdeɛ w’atamfo bɛyera;

Wobɛbɔ amumuyɛfoɔ nyinaa ahwete.+

10 Nanso wobɛma m’ahoɔden ayɛ kɛseɛ* sɛ ɛkoɔ* deɛ;

Mɛsra ngo pa ama me ho abae me.+

11 M’atamfo bɛdi nkoguo ama m’ani ahunu;+

Nnebɔneyɛfoɔ a wɔto hyɛ me so no bɛhwe ase ama m’aso ate.

12 Ɔteneneeni deɛ, ɔbɛyɛ frɔmfrɔm sɛ abɛdua;

Ɔbɛyɛ kɛse te sɛ sida dua a ɛwɔ Lebanon.+

13 Wɔadua wɔn wɔ Yehowa fie,

Wɔyɛ frɔmfrɔm wɔ yɛn Nyankopɔn fie adihɔ hɔ.+

14 Sɛ wɔnyini* mpo a, wɔbɛso aba,+

Na wɔbɛkɔ so anya ahoɔden* na wɔayɛ kama,+

15 Na wɔbɛka sɛ Yehowa tene.