Dawid dwom.
א [Aleph]
25 O Yehowa, wo na mede me werɛ ahyɛ wo mu.
ב [Beth]
2 Me Nyankopɔn, mede me ho ato wo so;+
Mma m’anim nngu ase.+
Mma m’atamfo nnni me ho ahurisie.+
ג [Gimel]
3 Ampa, wɔn a wɔn ani da wo so no, wɔn mu biara ani renwu.+
Nanso nnipa a wɔtwa wɔn yɔnko nkontompo kwa no, wɔn anim bɛgu ase.+
ד [Daleth]
4 O Yehowa, ma menhu w’akwan;+
Kyerɛ me w’atempɔn.+
ה [He]
5 Ma mennante wo nokorɛ mu na kyerɛkyerɛ me,+
Ɛfiri sɛ wone me nkwagyeɛ Nyankopɔn.
ו[Waw]
Wo na m’ani da wo so daa nyinaa.
ז [Zayin]
6 O Yehowa, kae wo mmɔborɔhunu ne wo dɔ a ɛnni hwammɔ;+
Ɛfiri tete na woada no adi.+
ח [Heth]
7 Nkae bɔne a meyɛɛ no me mmɔfraase ne me mmarato.
O Yehowa, wo papayɛ nti,+
Kae me sɛdeɛ wo dɔ a ɛnni hwammɔ no teɛ.+
ט [Teth]
8 Yehowa yɛ, na ɔtene.+
Ɛno nti na ɔkyerɛkyerɛ abɔnefoɔ ɛkwan a wɔmfa so no.+
י[Yod]
9 Ɔbɛma ahobrɛasefoɔ ahunu tenenee kwan,+
Na wakyerɛkyerɛ ahobrɛasefoɔ ne kwan.+
כ [Kaph]
10 Ɔdɔ a ɛnni hwammɔ ne nokorɛdie na ɛwɔ Yehowa atempɔn so
Ma wɔn a wɔdi n’apam+ ne ne nkaesɛm so.+
ל [Lamed]
11 O Yehowa, me mfomsoɔ so,
Nanso wo din nti,+ fa kyɛ me.
מ [Mem]
12 Hwan na ɔsuro Yehowa Nyankopɔn?+
Onyankopɔn bɛkyerɛ no ɛkwan a ɔmfa so.+
נ [Nun]
13 Ne nsa bɛka nneɛma pa,+
Na n’asefoɔ bɛnya asaase no so atena.+
ס [Samekh]
14 Wɔn a wɔsuro Yehowa na wɔyɛ ne nnamfo paa,+
Na ɔma wɔhu n’apam.+
ע [Ayin]
15 M’ani da Yehowa so daa;+
Ɔno na ɔbɛyi me nan afiri asau mu.+
פ [Pe]
16 Twa w’ani bɛhwɛ me na dom me,
Ɛfiri sɛ mayɛ ankonam, na mayɛ mmɔbɔ.
צ [Tsade]
17 M’akoma mu ahohia adɔɔso;+
Gye me firi m’adwennwene mu.
ר [Resh]
18 Hwɛ m’amanehunu ne me haw,+
Na fa me bɔne nyinaa kyɛ me.+
19 Hwɛ sɛdeɛ m’atamfo adɔɔso;
Wɔkyiri me kɔkɔkɔkɔ, enti wɔrepɛ me adi me bɔne.
ש [Shin]
20 Hwɛ me nkwa so na gye me.+
Mma m’anim nngu ase,
ɛfiri sɛ mede wo ayɛ me dwankɔbea.
ת [Taw]
21 Ma abrabɔ a ɛdi mu ne tenenee mmɔ me ho ban,+
Ɛfiri sɛ m’anidasoɔ ne wo.+
22 Onyankopɔn, gye Israel firi wɔn ahohia nyinaa mu.