Dwom

 2 Ɛhɔ* nsuano nnua so na

Yɛde yɛn asankuo sensɛneeɛ.+

 3 Ɛhɔ na wɔn a wɔtuu yɛn ase firii yɛn man mu no kaa sɛ yɛnto dwom mma wɔn;+

Ná wɔn a wɔredi yɛn ho fɛ no pɛ sɛ wɔde yɛn gyegye wɔn ani. Wɔkaa sɛ:

 4 Yɛbɛyɛ dɛn ato Yehowa dwom

Wɔ ananafoɔ asaase so?

 5 O Yerusalem, sɛ me werɛ fi wo a,

Ma me nsa nifa nnwodwo.*+

 6 Sɛ mankae wo,

Na mamma Yerusalem ho asɛm anhia me

Ansene biribiara a ɛma medi ahurisie+ a,

Ma me kɛtrɛma mfam me dodom.

 7 O Yehowa, kae deɛ Edomfoɔ kaeɛ,

Ɛda a Yerusalem sɛeɛ no. Wɔkaa sɛ:

 8 O Babilon babaa a ɛrenkyɛ na wɔasɛe wo,+

Anigyeɛ ne onipa a ɔde deɛ wode yɛɛ yɛn no ara bi

Betua wo ka.+

 9 Anigyeɛ ne onipa a ɔbɛkye wo mma

Na ɔde wɔn ahwehwe abotan so.+