146 Monyi Yah ayɛ!+
Ma memfa m’akoma nyinaa nyi Yehowa ayɛ.+
2 Mɛyi Yehowa ayɛ me nkwa nna nyinaa.
Mete nkwa mu yi deɛ, mɛto dwom ama me Nyankopɔn.
3 Mommfa mo ho nnto ɔdehyeɛ anaa onipa ba so,
Ɛfiri sɛ ɔrentumi nnye obiara nkwa.+
4 Ne honhom firi ne mu, na ɔsan kɔ dɔteɛ mu;+
Da no ara, ne nsusuiɛ yera.+
5 Anigyeɛ ne onipa a ne boafoɔ ne Yakob Nyankopɔn,+
Na n’anidasoɔ ne Yehowa, ne Nyankopɔn,+
6 Deɛ ɔyɛɛ ɔsoro ne ɛhɔ nneɛma, asaase ne ɛso nneɛma,
Ne ɛpo ne emu nneɛma nyinaa no;+
Ɔno na ɔdi nokorɛ berɛ nyinaa,+
7 Ɔno na ɔbu atɛn ma wɔn a nkurɔfoɔ sisi wɔn
Na ɔma wɔn a ɛkɔm de wɔn aduane.+
Yehowa na ɔyi wɔn a wɔda afiase.+
8 Yehowa na ɔbue anifirafoɔ ani;+
Yehowa na ɔma wɔn a wɔahodwo so gyina hɔ;+
Yehowa dɔ ateneneefoɔ.
9 Yehowa na ɔbɔ ɔhɔhoɔ ho ban;
Ɔno na ɔdi boa agyanka ne okunafoɔ,+
Na nnebɔneyɛfoɔ agyinatuo deɛ, ɔma no yɛ kwa.+
10 Yehowa bɛdi hene akɔsi daa;+
O Sion, wo Nyankopɔn bɛdi hene awoɔ ntoatoasoɔ nyinaa mu.
Monyi Yah ayɛ!