Ɛdeɛn na Ɛwɔ Onyankopɔn Asɛm Mu?

Deɛ Onyankopɔn pɛ sɛ ɛnnɛ yɛhu no, ɛno na ɛwɔ Bible mu. Bible ma yɛhunu sɛdeɛ yɛbɛbɔ bra pa ne deɛ yɛyɛ a Onyankopɔn ani bɛgye yɛn ho. Ɛsan ma yɛnya nsɛmmisa a ɛdidi soɔ yi ho mmuaeɛ:

1 Hwan ne Onyankopɔn?
2 Wobɛyɛ dɛn asua Onyankopɔn ho adeɛ?
3 Bible no, hwan na ɔtwerɛeɛ?
4 Bible mu nsɛm ne nyansahunu hyia?
5 Asɛm bɛn na ɛwɔ Bible mu?
6 Ɛdeɛn na Bible ka faa Mesia no ho?
7 Ɛdeɛn na Bible ka fa mmerɛ a yɛwɔ mu yi ho?
8 Nnipa amanehunu, ɛfiri Onyankopɔn anaa?
9 Adɛn nti na nnipa hunu amane?
10 Ɛdeɛn na Bible ka fa daakye ho?
11 Sɛ obi wu a, ɛhe na ɔkorɔ?
12 Anidasoɔ bɛn na ɛwɔ hɔ ma wɔn a wɔawuwuo?
13 Ɛdeɛn na Bible ka fa adwuma ho?
14 Wobɛyɛ dɛn ahwɛ deɛ wowɔ so yie?
15 Ɛdeɛn na woyɛ a, ɛbɛma w’ani agyeɛ?
16 Nneɛma hyɛ wo so a, ɛdeɛn na wobɛtumi ayɛ?
17 Mfasoɔ bɛn na w’abusua bɛtumi anya afiri Bible mu?
18 Ɛdeɛn na woyɛ a, ɛbɛma woabɛn Onyankopɔn?
19 Nwoma ahodoɔ a ɛwɔ Bible mu no ka deɛn ho asɛm?
20 Sɛ worekenkan Bible a, ɛdeɛn na ɛbɛma woanya so mfasoɔ kɛse?

SUA BIBLE NO BUE

Nwoma 66 na ɛka bom yɛ Bible. Wɔakyɛ mu mmienu. Ɛfã a ɛdi kan no ne deɛ wɔde Hebri ne Aram kasa twerɛeɛ no (“Apam Dada”). Ɛfã a ɛtɔ so mmienu (“Apam Foforɔ”) no, wɔde Hela kasa na ɛtwerɛeɛ. Wɔakyekyɛ Bible nwoma no mu biara ayɛ no etire ne nkyekyɛmu. Sɛ wohunu twerɛsɛm bi a, nɔma a ɛdi Bible nwoma no din akyi no yɛ nwoma no ti. Nɔma a ɛdi hɔ no nso yɛ nkyekyɛmu no. Enti sɛ wohunu Genesis 1:⁠1 a, ɛkyerɛ Genesis ti 1, nkyekyɛmu 1.