Berɛsosɛm Nwoma a Ɛdi Kan
27 Israelfoɔ akuakuo a afe afe wɔba bosome biara bɛsom kɔ no, na kuo biara mu nnipa yɛ 24,000. Ná akuo no mufoɔ binom yɛ agyanom abusuafie mpanimfoɔ, ebinom yɛ apem apem ne ɔhaha so mpanimfoɔ,+ ɛnna ebinom nso yɛ atitire a wɔhwɛ akuo no nsɛm nyinaa so de som ɔhene.+
2 Kuo a ɛdi kan a wɔba bosome a ɛdi kan no, deɛ na ɔda wɔn ano ne Sabdiel ba Yasobeam;+ nnipa 24,000 na na wɔwɔ ne kuo mu. 3 Peres+ asefoɔ mu no, ɔno na na ɔda akuo a wɔde wɔn too bosome a ɛdi kan no mpanimfoɔ no nyinaa ano. 4 Deɛ ɔda kuo a wɔba bosome a ɛtɔ so mmienu ano ne Dodai+ a ɔyɛ Ahohi+ aseni; ɔne ne kuo. Ná Miklot yɛ ɔpanin wɔ kuo no mu, na nnipa 24,000 na na wɔwɔ ne kuo mu. 5 Kuo a ɛtɔ so mmiɛnsa a wɔde wɔn too bosome a ɛtɔ so mmiɛnsa no safohene ne ɔsɔfo panin Yehoiada+ ba Benaia;+ nnipa 24,000 na na wɔwɔ ne kuo mu. 6 Benaia yi ne aduasa no mu ɔkatakyie a ɔda aduasa no ano; ne kuo no, ne ba Amisabad na na ɔda ano. 7 Deɛ ɔtɔ so nnan a ɔba bosome a ɛtɔ so nnan ne Yoab+ nua Asahel,+ na ne ba Sebadia bɛsii n’ananmu; nnipa 24,000 na na wɔwɔ ne kuo mu. 8 Ɔsahene a ɔtɔ so nnum a ɔba bosome a ɛtɔ so nnum ne Samhut a ɔyɛ Yesrani; nnipa 24,000 na na wɔwɔ ne kuo mu. 9 Deɛ ɔtɔ so nsia a ɔba bosome a ɛtɔ so nsia ne Tekoani+ Ikes ba Ira;+ nnipa 24,000 na na wɔwɔ ne kuo mu. 10 Deɛ ɔtɔ so nson a ɔba bosome a ɛtɔ so nson ne Efraim aseni Heles+ a ɔfiri Pelon; nnipa 24,000 na na wɔwɔ ne kuo mu. 11 Deɛ ɔtɔ so nwɔtwe a ɔba bosome a ɛtɔ so nwɔtwe ne Husani Sibekai+ a ɔfiri Serafoɔ mu;+ nnipa 24,000 na na wɔwɔ ne kuo mu. 12 Deɛ ɔtɔ so nkron a ɔba bosome a ɛtɔ so nkron ne Anatotni+ Abiesar+ a ɔfiri Benyaminfoɔ mu; nnipa 24,000 na na wɔwɔ ne kuo mu. 13 Deɛ ɔtɔ so du a ɔba bosome a ɛtɔ so du ne Netofani Maharai+ a ɔfiri Serafoɔ mu;+ nnipa 24,000 na na wɔwɔ ne kuo mu. 14 Deɛ ɔtɔ so 11 a ɔba bosome a ɛtɔ so 11 ne Piratonni Benaia+ a ɔfiri Efraimfoɔ mu; nnipa 24,000 na na wɔwɔ ne kuo mu. 15 Deɛ ɔtɔ so 12 a ɔba bosome a ɛtɔ so 12 ne Netofani Heldai a ɔfiri Otniel asefoɔ mu; nnipa 24,000 na na wɔwɔ ne kuo mu.
16 Israel mmusuakuo mu mpanimfoɔ nie: Rubenfoɔ mu, Sikri ba Elieser na na ɔda wɔn ano; Simeonfoɔ mu, Maaka ba Sefatia; 17 Lewifoɔ mu, Kemuel ba Hasabia; Aaron asefoɔ mu, Sadok; 18 Yudafoɔ mu, Dawid nua Elihu;+ Isakarfoɔ mu, Mikael ba Omri; 19 Sebulonfoɔ mu, Obadia ba Yismaia; Naftalifoɔ mu, Asrel ba Yerimot; 20 Efraimfoɔ mu, Asasia ba Hosea; Manase abusuakuo fã mu, Pedaia ba Yoel; 21 Manase abusuakuo fã a ɛwɔ Gilead no mu, Sakaria ba Ido; Benyaminfoɔ mu, Abner+ ba Yaasiel; 22 Danfoɔ mu, Yeroham ba Asarel. Weinom ne Israel mmusuakuo mu mpanimfoɔ.
23 Dawid ankan wɔn a wɔadi mfeɛ 20 ne wɔn a wɔnnuru saa no, ɛfiri sɛ na Yehowa ahyɛ bɔ sɛ ɔbɛma Israel adɔɔso sɛ ɔsoro nsoromma.+ 24 Seruia ba Yoab firii aseɛ sɛ ɔrekan nnipa no, nanso wanwie. Ɔman no a ɔkan wɔn nti Onyankopɔn bo fuu Israel,*+ na wɔantwerɛ wɔn dodoɔ no anka Ɔhene Dawid berɛ so abakɔsɛm no ho.
25 Adiel ba Asmawet na ɔhwɛɛ ɔhene akoradeɛ so,+ na Usia ba Yonatan na ɔhwɛɛ asaase no so nkuro ne nkuraa ne abantenten mu adekora adan* so. 26 Kelub ba Esri na ɔhwɛɛ afuo mu adwumayɛfoɔ a wɔdɔ asaase no so. 27 Simei a ɔfiri Rama na ɔhwɛɛ bobe mfuo so, na bobe mfuo mu bobesa a wɔakora so no, Sifmotni* Sabdi na ɔhwɛɛ so. 28 Baal-Hanan a ɔfiri Geder* na ɔhwɛɛ ngodua mfuo ne sikamɔɔ nnua+ a ɛwɔ Sefela+ no so, na Yoas na ɔhwɛɛ ngo akoraeɛ so. 29 Saronni Sitrai na ɔhwɛɛ mmoa a wɔdidi wɔ Saron+ no so, na mmoa a wɔdidi asaasetraa so no, Adlai ba Safat na ɔhwɛɛ wɔn so. 30 Ismaelni Obil na ɔhwɛɛ yoma so, na Meronotni Yedia na ɔhwɛɛ mfunumu* so. 31 Hagrini Yasis na ɔhwɛɛ nnwan so. Weinom nyinaa yɛ mpanimfoɔ a wɔhwɛɛ Ɔhene Dawid nneɛma so.
32 Ná Dawid nua ba Yonatan+ yɛ ɔfotufoɔ ne ɔtwerɛfoɔ, ɔbarima a ɔwɔ nteaseɛ, na Hakmoni ba Yehiel na na ɔhwɛ ɔhene mma no.+ 33 Ná Ahitofel+ yɛ ɔhene fotufoɔ, na Husai+ a ɔyɛ Arkini no yɛ ɔhene adamfo.* 34 Ahitofel akyi no, na Benaia+ ba Yehoiada ne Abiatar+ nso yɛ afotufoɔ, na Yoab+ ne ɔhene asraafoɔ so panin.