Hiob

 2 Nkurɔfoɔ piapia ahyeɛ;+

Wɔwia nnwan kɔgu wɔn mmoa adidibea.

 3 Wɔgye nnyanka mfunumu,

Na sɛ wɔma akunafoɔ bosea a, wɔgye wɔn nantwie de si awowa.+

 4 Wɔpia ahiafoɔ firi kwan so;

Asaase so mmɔborɔwafoɔ de wɔn ho sie wɔn.+

 5 Ahiafoɔ hwehwɛ aduane te sɛ deɛ serɛ so afunumu+ nenam pɛ aduane no;

Wɔhwehwɛ aduane wɔ anwea pradadaa so ma wɔn mma.

 6 Nkurɔfoɔ afuo mu na wɔtwa nnɔbaeɛ,*

Na abɔnefoɔ bobefuo* mu na wɔsesa nnɔbaeɛ ase.

 7 Adagya na wɔde da, wɔnni ntoma;+

Wɔnni biribiara a wɔde kata wɔn ho wɔ awɔ mu.

 8 Nsuo a ɛtɔ wɔ mmepɔ so fɔ wɔn;

Efie* a wɔnni nti, wɔtetare abotan ho.

 9 Abɔnefoɔ hwim agyanka firi nufoɔ ano;+

Sɛ wɔma ahiafoɔ bosea a, wɔgye wɔn ntoma de si awowa,+

10 Na ɛma ahiafoɔ no de adagya nante a wɔnni ntoma,

Na wɔde kɔm soasoa hwiit* a wɔakyekyere no atifi atifi.

11 Aboɔ mu na wɔyɛ adwuma awia ketee;*

Wɔtiatia bobe so wɔ amena a wɔkyĩ nsã wom mu, nanso sukɔm de wɔn.+

12 Wɔn a wɔrewu no penepene wɔ kuro no mu;

Wɔn a wɔapira pira bɔne no* su hwehwɛ mmoa,+

13 Nkurɔfoɔ bi wɔ hɔ a wɔte atua tia hann;+

Wɔnhunu n’akwan,

Na wɔnnante n’akwan so.

14 Wudini sɔre anɔpa;

Ɔkum mmɔborɔwa ne ohiani,+

Na ɛduru anadwo a, ɔbɔ korɔno.

15 Deɛ ɔwaresɛefoɔ ani retwɛn ara ne sɛ esum bɛba anwummerɛ,+

Ɔka sɛ: ‘Obiara renhu me!’+

16 Akorɔmfoɔ bu* nkurɔfoɔ dan kɔ mu anadwo;

Ɛduru awia a, wɔto wɔn ho pono mu.

17 Ɛfiri sɛ anɔpa ne sum kabii nyinaa yɛ pɛ ma wɔn;

Wɔnim nneɛma a ɛyɛ hu a ɛkɔ so wɔ sum kabii mu.

19 Sɛdeɛ ɔhyew ne ɔpɛ ma sukyerɛmma a anane we no,

Saa ara na Adamena* fa wɔn a wɔayɛ bɔne no kɔ!+

21 Ɔbaa a ɔnwoɔ* no, ɔyɛ no basabasa,

Na ɔteetee okunafoɔ.

22 Onyankopɔn de* ne tumi bɛyi ahoɔdenfoɔ afiri hɔ;

Wɔbɛsɔre, nanso sɛ wɔbɛtena nkwa mu oo, wɔrentena nkwa mu oo, wɔnnim.

Wɔte sɛ hwiit* mmɛtem a wɔatwa aboaboa+ ano;

Wɔbrɛ wɔn ase, na wɔwu te sɛ obiara.

25 Afei hwan na ɔbɛka sɛ meyɛ ɔtorofoɔ?

Na hwan na ɔbɛka sɛ asɛm a mereka no nyɛ nokorɛ?”