Hiob

28 “Ɛwɔ baabi a wɔtu dwetɛ,

Ɛnna sika kɔkɔɔ a wɔyiyi mu fĩ nso wɔ baabi a wɔtu no;+

 2 Wɔtu dadeɛ firi fam,

Ɛnna wɔnane* kɔbere firi aboɔ mu.+

 3 Onipa ma esum yera;

Ɔwurawura sum kabii mu ne sum mu baabiara,

Na ɔkɔhwehwɛ aboɔdenboɔ.*

 4 Ɔtu amena donkodonko* wɔ baabi a obiara mmɛn hɔ koraa,

Baabi a onipa werɛ afi, a onipa biara mfa hɔ koraa;

Nnipa bi siane kɔ mu, na wɔkɔsensɛn hɔ.

 5 Yɛnya aduane wɔ asaase ani,

Nanso asaase ase deɛ, biribiara adane abutu te sɛ deɛ egya ahye hɔ.*

 6 Aboɔ a ɛwɔ hɔ mu na hoaboɔ wɔ,

Na ɛhɔ mfuturo mu na sika kɔkɔɔ wɔ.

 7 Ɔkɔdeɛ biara nnim ɛkwan a ɛkɔ hɔ,

Na akorɔma* ani nhunui.

 8 Wuram aboa kɛseɛ biara nan nsii hɔ;

Gyata* biara nkɔfaa hɔ.

 9 Onipa de ne nsa pae aboɔ a ɛyɛ den;*

Ɔtutu mmepɔ ase ma ɛdwiri gu;

10 Ɔtwitwa nsuka+ wɔ abotan mu,

Na n’ani hunu adeɛ a ɛsom bo biara.

11 Ɔsisi baabi a nsubɔnten firi ba,

Na ɔyi deɛ ahinta ba hann mu.

12 Nanso nyansa deɛ, ɛhe na ɛwɔ?+

Na nteaseɛ nso, ɛhe na ɛfiri ba?+

13 Onipa biara nnim sɛdeɛ ɛsom bo fa,+

Na wɔrentumi nhunu wɔ ateasefoɔ asaase so.

15 Wɔrentumi mfa sika kɔkɔɔ amapa ntɔ,

Na wɔrentumi nkari dwetɛ mfa nsesa.+

16 Wɔrentumi mfa Ofir sika kɔkɔɔ ntɔ,+

Na abohene tuntum a ɛho yɛ na ne hoaboɔ nso, wɔrentumi mfa ntɔ.

17 Wɔrentumi mfa sika kɔkɔɔ ne ahwehwɛ ntoto ho,

Na wɔrentumi mfa biribiara a wɔde sika kɔkɔɔ amapa* ayɛ nsesa.+

18 Ɛpo mu abohene ne ahwehwɛboɔ mpo ne no nsɛ,+

Ɛfiri sɛ nyansa kotokuo ma boɔ yɛ den sene abohene kotokuo ma.

19 Wɔrentumi mfa topas+ abohene a ɛfiri Kus ntoto ho;

Na wɔrentumi mfa sika kɔkɔɔ amapa mpo ntɔ.

20 Ɛnneɛ ɛhe na nyansa fire?

Na nteaseɛ nso, ɛhe na ɛfiri ba?+

21 Wɔde ahinta ɔteasefoɔ biara ani,+

Na wɔde asie wiem nnomaa.

22 Ɔsɛeɛ amena* ne owuo ka sɛ,

‘Ɛho asɛm kɛkɛ na yɛn aso ateɛ.’

23 Onyankopɔn na ɔnim ɛkwan a yɛbɛfa so ahunu;*

Ɔno nko ara na ɔnim baabi a ɛwɔ,+

24 Ɛfiri sɛ ɔhunu asaase ano nohoa,

Na ɔhunu biribiara a ɛwɔ ɔsoro ase.+

25 Berɛ a ɔmaa mframa ahoɔden,*+

Na ɔsusuu nsuo,+

26 Berɛ a ɔhyɛɛ mmara maa nsuo a ɛtɔ,+

Na ɔtwaa kwan maa mununkum a ɛde suframa ne aprannaa ba no,+

27 Ɛnna ɔde n’ani hunuu nyansa, na ɔkyerɛkyerɛɛ mu;

Ɔmaa aseɛ timii, na ɔsɔ hwɛe.

‘Hwɛ! Yehowa suro, ɛno ne nyansa,+

Na obi twe ne ho firi bɔne ho a, ɛno ne nteaseɛ.’”+