Hiob

37 “Seesei m’akoma rebɔ kim-kim-kim,

Na ɛrehurihuri firi baabi a ɛwɔ.

 2 Monyɛ aso ntie sɛdeɛ ne* nne rebobom no,

Na montie aprannaa a ɛfiri n’anom reba no.

 3 Ɔgyaa mu wɔ ɔsoro ase baabiara,

Na ɔsoma n’anyinam+ kɔ asaase ano nohoa.

 4 Afei mmobomu kɛseɛ di akyire ba;

Ɔde nne kɛseɛ ma aprannaa bobom.+

Berɛ a ne nne rebobom nyinaa, na ɛno* nso nenam mu.

 5 Onyankopɔn nne ma aprannaa bobom+ ma ɛyɛ nwanwa;

Ɔyɛ nneɛma akɛseɛ a ɛboro yɛn nteaseɛ so.+

 7 Onyankopɔn ma nnipa gyae adwuma a wɔyɛ nyinaa,*

Sɛdeɛ ɛbɛyɛ a onipa dasani biara bɛhunu N’adwuma.

 8 Wuram mmoa kɔ wɔn bɔn mu,

Na wɔmpue mfiri wɔn bɔn no mu.

 9 Mframa a ano yɛ den bɔ firi ɛno ara ne dan mu,+

Na atifi fam mframa de awɔ ba.+

10 Onyankopɔn de ne home ma nsuo kyenkyene,+

Na ɛma nsuo akɛseɛ kyene dendeenden.+

11 Aane, ɔma nsuo yɛ mununkum ma;

Ɔbɔ n’anyinam hwete+ mununkum mu.

12 Ɛtwa ne ho frɛdɛfrɛdɛ kɔ baabiara a ɔkyerɛ sɛ ɛnkɔ;

Deɛ ɔbɛka sɛ ɛnkɔyɛ wɔ asaase so biara no, ɛkɔyɛ.+

13 Sɛ ɔde twe nkurɔfoɔ aso* oo,+ ɔde yɛ asaase yie oo,

Sɛ ɔde kyerɛ ne dɔ a ɛnni hwammɔ oo, ɔma ɛdi ho dwuma.+

14 Hiob, tie wei;

Yɛ komm, na to wo bo ase dwendwene Onyankopɔn anwanwadwuma ho.+

17 Adɛn nti na w’ataadeɛ mu yɛ hye

Berɛ a anaafoɔ fam mframa ma asaase so yɛ dinn* no?+

18 Wobɛtumi ne no atrɛ ɔsoro mu+

Ama emu ayɛ den sɛ dadeɛ ahwehwɛ anaa?

19 Kyerɛ yɛn deɛ yɛnka nkyerɛ no;

Yɛwɔ sum mu, enti yɛnhunu deɛ yɛnka.

21 Ɛwom sɛ ewiem hyerɛn,

Nanso wɔntumi nhunu hann,*

Kɔsi sɛ mframa bɛbɔ ama wiem ateɛ.*

22 Atifi fam na hann a ɛhyerɛn sɛ sika kɔkɔɔ firi ba;

Onyankopɔn animuonyam+ yɛ nwanwa dodo.

23 Adeɛ nyinaa so Tumfoɔ no deɛ, sɛdeɛ ɔteɛ no, ɛyɛ den sɛ yɛbɛte aseɛ;+

Ne tumi sõ.+

Na n’atɛntenenee+ ne ne tenenee+ bebrebe no, ɔremmu so da.