Dwom

86 O Yehowa, yɛ aso ma me,* na gye me so,

Ɛfiri sɛ m’asɛm yɛ mmɔbɔ na ahia me.+

Gye w’akoa a mede me ho ato wo so,

Ɛfiri sɛ wone me Nyankopɔn.+

 3 O Yehowa, hu me mmɔbɔ,+

Na mesu frɛ wo daa nyinaa.+

 4 O Yehowa, ma w’akoa* nni ahurisie,

Ɛfiri sɛ wo na mede me werɛ ahyɛ wo mu.*

 5 O Yehowa, woyɛ,+ na woyi wo yam de bɔne kyɛ;+

Wo dɔ a ɛnni hwammɔ no dɔɔso ma wɔn a wɔfrɛ wo nyinaa.+

 6 O Yehowa, tie me mpaebɔ;

Yɛ aso ma me sufrɛ.+

 7 Mɛfrɛ wo m’ahohia da,+

Na wobɛgye me so.+

 8 O Yehowa, onyame biara nte sɛ wo,+

Na obiara nnwuma ne wo deɛ nsɛ.+

 9 O Yehowa, aman a woayɛ wɔn nyinaa

Bɛba abɛkoto w’anim,+

Na wɔbɛhyɛ wo din animuonyam.+

10 Ɛfiri sɛ woyɛ kɛseɛ, na woyɛ anwanwadeɛ;+

Wone Onyankopɔn, na obiara nka wo ho bio.+

12 O Yehowa me Nyankopɔn, mede m’akoma nyinaa bɛyi wo ayɛ,+

Na mɛhyɛ wo din animuonyam akɔsi daa,

13 Ɛfiri sɛ ɔdɔ a ɛnni hwammɔ a woada no adi akyerɛ me no dɔɔso,

Na woagye me* afiri Adamena* mu.+

14 O Onyankopɔn, ahantanfoɔ asɔre atia me;+

Atirimuɔdenfoɔ dɔm rehwehwɛ me aku me,*

Na wɔmfa wo nyɛ hwee.*+

15 Nanso Yehowa, wo deɛ, woyɛ Onyankopɔn a wowɔ mmɔborɔhunu ne ayamhyehyeɛ,*

Wo bo mfu ntɛm, wo dɔ a ɛnni hwammɔ nni ano, na wo nokorɛdie dɔɔso.+

Ma w’akoa ahoɔden,+

Na w’afenaa ba no, gye no nkwa.

17 Ma menhu wo papayɛ ho sɛnkyerɛnne,*

Na ama wɔn a wɔtan me no ahu na wɔn ani awu.