Dwom

 2 Momma yɛnkɔ n’anim nkɔda no ase;+

Momma yɛnto dwom mma no na yɛmmɔ no ose.

 3 Ɛfiri sɛ Yehowa yɛ Onyankopɔn kɛseɛ

Ne Ɔhenkɛseɛ a ɔkyɛn anyame nyinaa.+

 4 Abɔn a ɛwɔ asaase ase tɔnn no, ne nsam na ɛwɔ;

Mmepɔ atenten nso yɛ ne dea;+

 5 Ɔno na ɔyɛɛ ɛpo, na ɛyɛ ne dea;+

Ne nsa na ɛyɛɛ asaase kesee.+

 6 Mommra, momma yɛnsom no na yɛmmɔ yɛn mu ase mma no;

Momma yɛnkoto yɛn Bɔfo Yehowa anim.+

 7 Ɔno ne yɛn Nyankopɔn,

Na yɛyɛ ne nkurɔfoɔ a ɔhwɛ yɛn so

Ne ne nnwan a ɔyɛn yɛn.*+

Ɛnnɛ, sɛ mote ne nne a,+

 8 Mommpirim mo akoma sɛdeɛ ɛsii wɔ Meriba,*+

Sɛdeɛ ɛkɔɔ so Masa* da no wɔ serɛ so hɔ no;+

 9 Saa berɛ no, mo agyanom sɔɔ me hwɛeɛ;+

Ná wɔahu me nnwuma, nanso wɔgyegyee me.+

“Wɔyɛ ɔman a daa wɔfom kwan wɔ wɔn akoma mu,

Na wɔnhuu m’akwan.”