Dwom

115 Yɛn deɛ, yɛmfata, O Yehowa, yɛmfata;*

Wo din na hyɛ no animuonyam+

Ɛsiane wo dɔ a ɛnni hwammɔ ne wo nokorɛdie nti.+

 3 Yɛn Nyankopɔn no wɔ soro;

Deɛ ɛsɔ n’ani biara ɔyɛ.

 4 Wɔn ahoni yɛ dwetɛ ne sika kɔkɔɔ,

Onipa nsa ano adwuma.+

 5 Wɔwɔ ano, nanso wɔnkasa;+

Wɔwɔ ani, nanso wɔnhunu adeɛ;

 6 Wɔwɔ aso, nanso wɔnte asɛm;

Wɔwɔ hwene, nanso wɔnte hwa;

 7 Wɔwɔ nsa, nanso wɔntumi nsɔ adeɛ mu.

Wɔwɔ nan, nanso wɔntumi nnante;+

 8 Obiara a ɔyɛ saa ahoni no, ɔbɛyɛ sɛ ahoni no ara,+

Na obiara a ɔde ne ho to ahoni no so no, ɔno nso bɛyɛ sɛ ahoni no ara.+

 9 O Israel, momfa mo ho nto Yehowa so;+

Ɔno ne mo boafoɔ ne mo kyɛm.+

10 O Aaron fie,+ momfa mo ho nto Yehowa so;

Ɔno ne mo boafoɔ ne mo kyɛm.

11 Mo a mosuro Yehowa, momfa mo ho nto Yehowa so;+

Ɔno ne mo boafoɔ ne mo kyɛm.+

12 Yehowa kae yɛn, na ɔbɛhyira yɛn;

Ɔbɛhyira Israel fie,+

Na ɔbɛhyira Aaron fie.

13 Yehowa bɛhyira wɔn a wɔsuro no,

Nketewa ne akɛseɛ nyinaa.

14 Mo ne mo mma* nyinaa,

Yehowa bɛma mo adɔɔso.+

15 Yehowa a ɔyɛɛ ɔsoro ne asaase no

Nhyira mo.+

16 Ɔsoro yɛ Yehowa dea,+

Na asaase deɛ, ɔde ama nnipa.+

17 Awufoɔ ntumi nyi Yah ayɛ;+

Wɔn a wɔwɔ adamena mu* nso saa ara.+

18 Nanso yɛn deɛ, yɛbɛyi Yah ayɛ

Firi nnɛ kɔsi daa.