Yesaia

 2 Hwɛ! Esum bɛkata asaase so,

Na esum kabii akata amanaman so;

Nanso wo deɛ, Yehowa bɛhyerɛn wo so,

Na wɔbɛhunu n’animuonyam wɔ wo so.

 3 Aman bɛba wo hann ho,+

Na ahemfo+ aba w’animuonyam a ɛhyerɛn no ho.*+

Wo mma mmarima firi akyirikyiri; ba ara na wɔreba,+

Na wɔde wo mma mmaa bɛbobɔ wɔn nkyɛnmu.+

 5 Saa berɛ no, wobɛhunu na w’ani agye,+

Na w’akoma bɛhurihuri na adi ahurisie,

Ɛfiri sɛ wɔbɛma ɛpo mu ahonyadeɛ aba wo nkyɛn,

Na amanaman ahodeɛ bɛba wo nkyɛn.+

 6 Yoma bɛyɛ manyamanya akata w’asaase* so,

Midian ne Efa+ yomanini nkumaa.

Wɔn a wɔfiri Saba nyinaa bɛba;

Wɔbɛsoa sika kɔkɔɔ ne ɛhyɛ.*

Mɛgye wɔn atom ama wɔaba m’afɔrebukyia so,+

Na mɛma m’animuonyam fie* no ayɛ fɛ.+

 8 Hwannom na wɔtu ba sɛ mununkum yi,

Te sɛ mmuruburo a wɔreba wɔn buo mu yi?

 9 Me na nsupɔ de wɔn ani bɛto me so,+

Na Tarsis ahyɛn bɛdi animu,*

Na ɛde wo mma afiri akyirikyiri aba,+

Wɔne wɔn dwetɛ ne wɔn sika kɔkɔɔ.

Wɔde rebrɛ Yehowa wo Nyankopɔn din ne Israel Kronkronni no,

Ɛfiri sɛ ɔno na ɔbɛhyɛ wo animuonyam.*+

10 Ahɔhoɔ bɛto w’afasuo,

Na wɔn ahemfo bɛsom wo.+

M’abufuo mu na mebɔɔ wo,

Nanso m’adom mu na mɛhu wo mmɔbɔ.+

11 Wɔbɛbuebue w’apono ato hɔ daa;+

Wɔrentoto mu awia anaa anadwo.

Wɔde aman ahodeɛ bɛbrɛ wo,

Na wɔn ahemfo bɛdi animu.+

12 Ɔman anaa ahennie biara a ɛrensom wo no bɛsɛe;

Na wɔbɛsɛe aman no pasapasa.+

13 Lebanon animuonyam bɛba wo nkyɛn,+

Papao dua ne ɔsɛsɛ dua ne kwabɔhorɔ dua nyinaa bɛbom aba,+

Na ɛbɛma me tenabea kronkron ayɛ fɛ;

Mɛhyɛ baabi a me nan si no animuonyam.+

14 Wɔn a wɔteetee wo no, wɔn mma bɛba abɛkoto w’anim;

Wɔn a wɔmfa wo nyɛ hwee no, wɔn nyinaa bɛkoto wo nan ase,

Na wɔbɛfrɛ wo Yehowa kuro,

Israel Kronkronni no Sion.+

15 Wo a anka wɔagya wo koraa, na wɔtan wo, a obiara mfa wo kwan so no,+

Mɛma nkurɔfoɔ de wo ahoahoa wɔn ho daa,

Na wo nti, awoɔ ntoatoasoɔ nyinaa bɛdi ahurisie.+

16 Wobɛnom amanaman nufosuo,+

Na woanom ahemfo nufo;+

Na wobɛhunu sɛ me, Yehowa, mene w’Agyenkwa,

Na Yakob Tumfoɔ no ne wo Gyefoɔ.+

17 Mede sika kɔkɔɔ bɛsi kɔbere ananmu,

Na mede dwetɛ asi dadeɛ ananmu,

Na kɔbere asi dua ananmu,

Na dadeɛ asi aboɔ ananmu.

Na mɛyi asomdwoeɛ sɛ wo hwɛfoɔ,

Na tenenee ayɛ w’adwuma so panin.*+

18 Wɔrente basabasayɛ wɔ w’asaase so bio,

Na wɔrente ɔsɛeɛ ne amamfoyɛ wɔ w’asaase so.+

19 Ɛnyɛ awia na ɛbɛma wo hann awiaberɛ bio,

Na ɛnyɛ bosome hann na ɛbɛhyerɛn wo so.

Mmom Yehowa bɛyɛ wo hann daa,+

Na wo Nyankopɔn bɛyɛ w’ahoɔfɛ.+

20 W’awia rentɔ bio,

Na wo bosome rennum bio,

Ɛfiri sɛ Yehowa bɛyɛ wo hann daa,+

Na w’awerɛhoɔ nna bɛba awieeɛ.+

21 Wo man nyinaa bɛyɛ ateneneefoɔ,

Na wɔbɛfa asaase no adi so daa.

Wɔyɛ deɛ meduaeɛ a afefɛ,

Me nsa ano adwuma+ a ɛbɛma me ho ayɛ fɛ.+

22 Deɛ ɔyɛ ketewa no bɛdane apem,

Na deɛ ɔsua adane ɔman a ɛyɛ den.*