2 Beresosɛm
10 Rehoboam+ siim kɔɔ Sekem,+ na Sekem na Israelfo nyinaa bae besii no hene. 2 Na ɛbae sɛ bere a Nebat ba Yeroboam+ wɔ Egypt+ a ɔtee nea asi no, (saa bere no, Ɔhene Solomon nti, na waguan kɔ hɔ), ntɛm ara na Yeroboam fi Egypt san bae.+ 3 Enti wɔsoma kɔfrɛɛ no bae, na Yeroboam ne Israel nyinaa bae bɛka kyerɛɛ Rehoboam sɛ:+ 4 “Wo papa maa yɛn kɔndua yɛɛ duru;+ wo de, ma adwuma dennen a wo papa ma yɛyɛe ne kɔndua duruduru+ a ɔde too yɛn so no mu nyɛ hare, na yɛbɛsom wo.”+
5 Ɛnna ɔka kyerɛɛ wɔn sɛ: “Monkɔ, na nnansa akyi monsan mmra.” Na nkurɔfo no fii n’anim kɔe. 6 Ɔhene Rehoboam ne mpanyimfo a ne papa Solomon te ase no na wotu no fo no kotuu agyina+ sɛ: “Afotu bɛn na mowɔ ma me na mede akobua nkurɔfo no?”+ 7 Ɛnna wɔka kyerɛɛ no sɛ: “Sɛ wo ne nkurɔfo yi di no yiye, yɛ nea ɛbɛsɔ wɔn ani, na woka asɛm pa kyerɛ wɔn+ a, ɛnde wɔn nso bɛsom wo daa.”+
8 Nanso wamfa mpanyimfo no afotu+ a wɔde maa no no, na mmom ɔne mmerante a ɔne wɔn sii so+ a wotu no fo+ no kotuu agyina. 9 Na obisaa wɔn sɛ: “Afotu bɛn na mowɔ ma me+ na mede akobua nkurɔfo a wɔkae sɛ, ‘Ma kɔndua duruduru a wo papa de too yɛn so no mu nyɛ hare’ no?”+ 10 Ɛnna mmerante a ɔne wɔn sii so no ka kyerɛɛ no sɛ: “Nkurɔfo a wɔka kyerɛɛ wo sɛ, ‘Wo papa maa yɛn kɔndua yɛɛ duru; na wo de, ma emu nyɛ hare mma yɛn’ no, sɛɛ na ka kyerɛ wɔn,+ ‘Me nsateaa ketewa mpo mu bɛyɛ duru asen me papa sisi.+ 11 Na sɛ me papa de kɔndua a emu yɛ duru soaa mo a, me de, mede bi bɛka mo kɔndua no ho.+ Sɛ me papa de mpire na ɛhwee mo a, me de, mede nsɔe mpire na ɛbɛhwe mo.’”+
12 Sɛnea Rehoboam kae sɛ “Monkɔ, na nnansa akyi monsan mmra”+ no, Yeroboam ne nkurɔfo no nyinaa baa ɔhene nkyɛn ne nnansa so. 13 Na ɔhene ne wɔn ankasa abodwo so.+ Enti Ɔhene Rehoboam amfa mpanyimfo+ afotu+ no, 14 na sɛnea mmerante no tuu no fo no,+ saa na ɔne wɔn kasae sɛ: “Mo kɔndua no, me de, mede bi bɛka ho ama emu ayɛ duru asen kan no. Sɛ me papa de mpire na ɛhwee mo a, me de, mede nsɔe mpire na ɛbɛhwe mo.”+ 15 Enti ɔhene antie nkurɔfo no; nokware Nyankopɔn na ɔma ɛbaa saa+ na ama asɛm+ a Yehowa nam Siloni+ Ahiya+ so ka kyerɛɛ Nebat ba Yeroboam no aba mu.+
16 Esiane sɛ ɔhene no antie Israel nti, wɔn nyinaa ka kyerɛɛ ɔhene no sɛ: “Dɛn na yɛne Dawid wɔ yɛ?+ Yenni agyapade biara wɔ Yese ba+ no mu. Israelfo, obiara nkɔ ne nyame nkyɛn!+ Afei Dawid, wo ara hwɛ wo fie.”+ Ɛnna Israelfo nyinaa kokɔɔ wɔn ntamadan mu.
17 Israelfo a wɔtete Yuda nkurow mu no de, Rehoboam kɔɔ so dii wɔn so.+
18 Ɛno akyi no, Ɔhene Rehoboam somaa Hadoram+ a ɔhwɛ apaafo so no, nanso Israelfo siw no abo+ kum no. Ɔhene Rehoboam de, ɔbɔɔ mmɔden foro kɔtenaa ne teaseɛnam mu guan kɔɔ Yerusalem.+ 19 Atua a Israelfo tew+ wɔ Dawid fie so no, wɔannyae de besi nnɛ.