Nnwom

82 Onyankopɔn gyina Tweaduampɔn+ guabɔ mu;+

Obu atɛn wɔ anyame no mfinimfini:+

 2 “Mubebu ntɛnkyea akosi da bɛn?+

Na mobɛyɛ animhwɛ adi ama nnebɔneyɛfo akosi da bɛn?+ Sela.

 3 Munni ɔbrɛfo ne agyanka asɛm mma wɔn.+

Mummu mmɔborɔni ne ohiani atɛn trenee mu.+

 4 Muntwitwa nnye ɔbrɛfo ne ohiani;+

Munnye wɔn mfi nnebɔneyɛfo nsam.”+

 5 Wonnim, na wɔnte ase nso;+

Esum mu na wɔnenam;+

Wɔma asase nnyinaso nyinaa hinhim.+

 6 “Me na maka sɛ, ‘Moyɛ anyame,+

Na mo nyinaa yɛ Ɔsorosoroni no mma.+

 7 Ɛyɛ dɛn ara a, mubewu sɛnea onipa wu;+

Na mobɛtotɔ sɛ akunini no mu biara!’”+

 8 Sɔre ɛ, O Onyankopɔn, na bu asase atɛn;+

Na wo na ɛsɛ sɛ wudi amanaman nyinaa so.+