Leviticus

10 Akyiri yi, Aaron mma Nadab ne Abihu+ de wɔn gya kukuwa+ bae na wɔde ogya guu so. Afei wɔde aduhuam+ guu so na wɔde ogya foforo bi a Yehowa mmaa ho kwan+ bɔɔ afɔre wɔ n’anim. 2 Na ogya fi Yehowa anim bɛhyew wɔn,+ na wowuwui wɔ Yehowa anim.+ 3 Afei Mose ka kyerɛɛ Aaron sɛ: “Nea Yehowa aka ni, ‘Wɔntew me din ho+ wɔ wɔn a wɔbɛn me+ no anim, na wɔnhyɛ me anuonyam+ wɔ ɔman no nyinaa anim.’” Na Aaron yɛɛ komm.

4 Enti Mose frɛɛ Aaron papa nua Usiel+ mma Misael ne Elisafan, na ɔka kyerɛɛ wɔn sɛ: “Mommra mmɛfa mo nuanom mfi kronkronbea no anim nkɔ nsraban no akyi.”+ 5 Wɔbae bɛsoaa wɔn kɔɔ nsraban no akyi, sɛnea Mose kae no. Saa bere no nyinaa na wɔn ntade tenten no hyehyɛ wɔn.

6 Ɛnna Mose ka kyerɛɛ Aaron ne ne mma a wɔaka no, Eleasar ne Itamar, sɛ: “Monhwɛ na moannyaw mo ti nhwi basaa,+ na munnsunsuane mo ntade mu na moanwu na ne bo amfuw nnipa no nyinaa.+ Ɔsɛe a Yehowa nam ogya so de bae yi, mo nuanom Israelfo besu ama mo. 7 Monhwɛ na moamfi ahyiae ntamadan yi ano ankɔ baabiara na moanwu,+ efisɛ Yehowa srango wɔ mo so.”+ Enti wɔyɛɛ sɛnea Mose kae no.

8 Afei Yehowa ka kyerɛɛ Aaron sɛ: 9 “Bere biara a wo ne wo mma bɛba ahyiae ntamadan no mu no, monnnom bobesa anaa mmosã+ foforo biara na moanwu. Eyi yɛ ahyɛde a mo ne mo nkyirimma bedi so daa, 10 na ɛbɛma nnipa ahu nsonsonoe a ɛwɔ akronkronne ne nea ɛho agu fĩ ntam, ne nea ɛho tew ne nea ɛho ntew ntam.+ 11 Afei ɛbɛma moatumi de ahyɛde a Yehowa nam Mose so de mae nyinaa akyerɛkyerɛ Israelfo no.”+

12 Na Mose ka kyerɛɛ Aaron ne ne mma a wɔaka, Eleasar ne Itamar, sɛ: “Momfa aduan afɔre+ a wɔde ogya hyew maa Yehowa no nkae no na munni wɔ afɔremuka no ho. Munni bere a ɛnkawee, efisɛ ɛyɛ akronkronne mu ade kronkron.+ 13 Na munni no baabi a ɛhɔ yɛ kronkron,+ efisɛ ɛyɛ wo ne wo mma kyɛfa a efi Yehowa ogya afɔre mu. Saa na wahyɛ me. 14 Wo ne wo mmabarima ne wo mmabea a wɔka wo ho+ no bɛwe aboa no koko a wohim de bɔɔ afɔre+ no ne ne nan a ɛyɛ afɔrebɔde kronkron+ no wɔ baabi a ɛhɔ yɛ kronkron, efisɛ ɛyɛ wo ne wo mma kyɛfa a efi Israelfo asomdwoe afɔre mu. 15 Na wɔde aboa no nan a ɛyɛ afɔrebɔde kronkron no ne ne koko a wohim de bɔɔ afɔre+ no ne aboa a wɔde bɔɔ ogya afɔre no srade bɛba, na wobehim wɔ Yehowa anim. Ɛbɛyɛ wo ne wo mma a wɔka wo ho no kyɛfa+ daa, sɛnea Yehowa ahyɛ no.”

16 Mose hwehwɛɛ baabiara sɛ obehu abirekyi a wɔde bɛbɔɔ bɔne ho afɔre+ no, na ohui sɛ wɔahyew ne nyinaa. Enti ne bo fuw Aaron mma a wɔaka no, Eleasar ne Itamar, na ɔkae sɛ: 17 “Dɛn nti na moanwe aboa a wɔde bɔɔ bɔne ho afɔre no wɔ baabi a ɛhɔ yɛ kronkron?+ Munnim sɛ ɛyɛ akronkronne mu ade kronkron a ɔde ama mo sɛ monsoa asafo no mmusu na mompata mma wɔn wɔ Yehowa anim?+ 18 Wɔamfa aboa no mogya amma kronkronbea hɔ.+ Anka ɛsɛ sɛ mowe wɔ baabi a ɛhɔ yɛ kronkron, sɛnea wɔhyɛɛ me no.”+ 19 Ɛnna Aaron ka kyerɛɛ Mose sɛ: “Ɛnnɛ wɔde nea wɔde bɛbɔ bɔne ho afɔre ne ɔhyew afɔre aba Yehowa anim,+ nanso hwɛ asɛm a ato me. Sɛ mewee aboa a wɔde bɔɔ bɔne ho afɔre no nnɛ a, anka ɛbɛma Yehowa bo adwo anaa?”+ 20 Bere a Mose tee eyi no, ne bo tɔɔ ne yam.