Atemmufo

5 Saa da no, Debora+ ne Abinoam ba+ Barak+ too dwom+ sɛ:

 2 “Munhyira Yehowa+

Sɛ ɔko ho ntam nti, wogyaw wɔn ti nhwi guu so wɔ Israel.

Sɛ nkurɔfo yii wɔn yam bae.+

 3 Ahene, muntie;+ atitiriw, monyɛ aso:

Mɛto dwom ama Yehowa.

Mɛto ayeyi dwom+ ama Yehowa, Israel Nyankopɔn.+

 4 Yehowa, bere a wufii Seir,+

Bere a wufii Edom asase so bae+ no,

Asase wosowee,+ ɔsoro asusow tuei,+

Na omununkum gyaa nsu mu.

 5 Mmepɔw nan fii Yehowa anim,+

Sinai+ fii Israel Nyankopɔn+ Yehowa anim.+

 6 Anat ba Samgar+ bere so,

Yael bere so,+ akwan dedaa mpan,

Akwantufo a wɔfa atempɔn so nwonwan kɔfaa anammɔnkwan so.+

 7 Nnipa tu fii nkuraase, wotu fii Israel nkuraase+

Kosii sɛ me Debora,+ mesɔree,

Kosii sɛ mesɔree sɛ ɔbaatan wɔ Israel.+

 8 Wɔpaw anyame foforo.+

Afei dɔm bɛtow hyɛɛ wɔn so wɔ kurow apon ano.+

Ɔkyɛm oo, peaw oo, ebi nni hɔ,

Israel mmarima mpem aduanan+ no nni bi.

 9 Me koma da Israel asahene so,+

Wɔn a woyii wɔn yam bae no so.+

Munhyira Yehowa.+

10 Mo a motete mfurummere a wɔn ho adodow so,+

Mo a motete kuntu fɛfɛ so,

Mo a mofa atempɔn so,

Munsusuw ho!+

11 Wɔtee nsusawfo nne wɔ nsubura ho,+

Na ɛhɔ na wofii ase kaa Yehowa adetrenee ho asɛm,+

Ɛhɔ na wɔkaa ne nkurɔfo a wɔtete Israel nkuraase no adetrenee ho asɛm.

Afei Yehowa nkurɔfo sian kɔɔ kurow apon ano.

12 Kanyan wo ho, Debora,+ kanyan wo ho;

Kanyan wo ho, kanyan wo ho, to dwom!+

Sɔre ɛ, Abinoam ba+ Barak,+ sɔre di wo nnommum anim kɔ!

13 Saa bere no na wɔn a wɔkae no baa atumfoɔ no nkyɛn;

Yehowa nkurɔfo begyinaa m’afa ko tiaa nnɔmmarima.

14 Efraimfo wɔ asasetaw so,+

Wobedii wo nkurɔfo akyi, O Benyamin.

Makir+ mu na asahene fi bae,

Na Sebulon mu na wɔn a wokura akyerɛwfo+ nneɛma pue bae.

15 Ná Isakar+ akunini ka Debora ho,

Na sɛnea Isakar te no, saa ara na Barak+ te.

Ɔnantew kɔɔ asasetaw no so.+

Ruben mmusua no koma nsi pi.+

16 Dɛn nti na na wote nnesoa abien ntam

Retie mmɛn a nguanhwɛfo rehyɛn?+

Ruben mmusua no koma nsi pi.+

17 Gilead tenaa ne fie wɔ Yordan agya nohoa;+

Na Dan nso, dɛn nti na ɔtenaa nsuhyɛn mu saa bere no?+

Aser yii n’ani tenaa mpoano,

Ɔtenaa hyɛn gyinabea hɔ ara.+

18 Sebulon de ne kra too ne nsam;+

Naftali+ nso yɛɛ saa ara wɔ nkoko so.+

19 Ahene bɛkoe;

Kanaan ahene bɛkoe+

Wɔ Taanak,+ Megido+ asu ho.

Wɔannya dwetɛ biara amfa.+

20 Nsoromma fi soro bɛkoe,+

Wofi wɔn akwan so ne Sisera bɛkoe.

21 Kison asubɔnten,+ tete asubɔnten,

Kison asubɔnten hohoroo wɔn kɔe.+

Me kra, wutiatiaa akantinka so.+

22 Saa bere no, apɔnkɔ tuu mmirika kiridikiridi,+

Na wɔn nan pempem fam kimkim.

23 Yehowa bɔfo+ kae sɛ, ‘Monnome+ Meros,’

‘Monnome ɛhɔfo,

Efisɛ wɔammɛboa Yehowa,

Wɔamfa nnɔmmarima ammɛboa Yehowa.’

24 Wobehyira Kenini+ Heber yere Yael+ wɔ mmea mu,

Wobehyira no mmea mu wɔ ntamadan mu.+

25 Obisaa nsu, na ɔde nufusu maa no;

Ɔde nufusu guu atumfoɔ sɛn mu bae.+

26 Ɔteɛɛ ne nsa faa ntamadan pɛɛwa,

Na ɔde adwumayɛfo abɔsobaa hyɛɛ ne nsa nifa mu.+

Ɔbɔɔ so wuraa Sisera tirim,+

Na ɔwaee n’asontɔrem.

27 Ɔhwee ne nan ntam daa hɔ;

Ɔhwee ne nan ntam;

Baabi a ɔhwee no, ɛhɔ ara na n’ahoɔden kɔsoe.+

28 Ɔbea bi de n’ani hwɛɛ mfɛnsere mu sɛ obehu no anaa,

Sisera maame de n’ani hwɛɛ ntokuwa mu,+

‘Dɛn nti na ne teaseɛnam akyɛ saa?+

Dɛn nti na ebesi sesɛɛ mentee n’apɔnkɔ nan ase?’+

29 Ne mmea mu atitiriw a wɔyɛ anyansafo+ bebua no,

Ɔno ankasa de ne nsɛm bebua ne ho,

30 ‘Ɛnyɛ asade na wɔrehwehwɛ, ɛnyɛ asade na wɔrekyɛ?+

Ɔsraani biara nya ababaa biako anaa baanu,+

Na Sisera nso nya ntama a wɔahyɛ no aduru,

Atade a wɔanwene mu, ntama a wɔahyɛ no aduru, ne ntade abien a wɔanwene mu,

Asade a mmarima de begu wɔn kɔn mu.’

31 Yehowa, ma w’atamfo nyinaa nsɛe saa ara,+

Na ma w’adɔfo+ nyɛ sɛ owia a egyina so denneennen.”+

Afei asase no so dwoe mfe aduanan.+