10 Ahempoma remfi Yuda nsa,+ na tumi poma remfi n’anan ntam, kosi sɛ Silo bɛba;+ na ɔno na aman betie no.+

24 “Wɔahyɛ adapɛn aduɔson wɔ wo man+ ne wo kurow kronkron+ no ho sɛ mmarato to ntwa+ na bɔne mmra awiei,+ na wɔmpata mfomso,+ na wɔmfa trenee mmra daa,+ na wɔmfa nsɔano+ ntim anisoadehu ne adiyifo so, na wɔnsra Kronkron mu Kronkronbea hɔ.+

3 “Hwɛ, meresoma me bɔfo+ adi m’anim abesiesie kwan mu.+ Na Awurade+ nokwafo a morehwehwɛ no ne apam+ bɔfo+ a mo ani agyina no+ no bɛba N’asɔrefie hɔ+ mpofirim. Hwɛ, ɔbɛba,” asafo Yehowa na waka.+

11 Me de, esiane mo adwensakra+ nti mede nsu+ na ɛbɔ mo asu; nea odi m’akyi reba+ no wɔ tumi sen me, na memfata sɛ mɛworɔw ne mpaboa.+ Ɔno na ɔde honhom kronkron+ ne ogya bɛbɔ mo asu.+

15 (Yohane dii ne ho adanse, yiw, ɔteɛɛm ankasa​—oyi ne nea ɔkae​—sɛ: “Nea odi m’akyi reba no adi m’anim efisɛ na ɔwɔ hɔ ansa na mereba.”)+

31 Eyi nyinaa mu no, nnipakuw no mu pii gyee no dii;+ na wofii ase kae sɛ: “Sɛ Kristo no ba a, ɔbɛyɛ nsɛnkyerɛnne+ asen nea oyi ayɛ yi anaa?”