25 Bere a nnipa adeda no, ne tamfo ba beduaa nwura bɔne wɔ awi no mu na ogyaw hɔ kɔe.

4 Nanso asɛm a efi honhom mu no ka pefee sɛ akyiri yi mmere mu+ no, ebinom bɛtwe wɔn ho+ afi gyidi no ho akodi nnaadaasɛm a efi honhom mu+ ne adaemone+ nkyerɛkyerɛ akyi,

18 Saa mmarima yi aman afi nokware no ho,+ na wɔka sɛ owusɔre no aba dedaw;+ na wɔresɛe ebinom gyidi.+

3 Na bere bi bɛba a wɔrentena nkyerɛkyerɛ pa no mu,+ na mmom wɔbɛboaboa akyerɛkyerɛfo ano afa ma wɔanunu wɔn asom, sɛnea wɔn ankasa akɔnnɔ te;+

2 Nanso atoro adiyifo nso sɔree wɔn mu sɛnea akyerɛkyerɛfo atorofo bɛsɔre mo mu no.+ Eyinom bewiawia wɔn ho de fekusɛm a edi awu aba na wɔbɛpa wɔn wura a ɔtɔɔ wɔn no mpo,+ na wɔn ankasa de ɔsɛe bɛba wɔn ho so ntɛm.

18 Mmofra nkumaa, dɔn a edi akyiri ni,+ na sɛnea moate sɛ nea otia Kristo reba no,+ saa na seesei mpo wɔn a wotia Kristo bebree aba;+ na eyi na ɛma yehu sɛ dɔn a edi akyiri no ni.