32 Na wɔkɔɔ so ara de asaase a wɔkɔhwɛe no ho amanneɛ a etu koma+ bɔɔ Israelfo no sɛ: “Asaase a yɛkɔfaa so hwɛɛ sɛnea ɛte no yɛ asaase a ɛmene ɛsofo, na nnipa a yehuu wɔn wɔ hɔ no nyinaa yɛ akantinka a yenhuu bi da.+

26 Nanso na mompɛ sɛ mokɔ asaase no so, na nea Yehowa mo Nyankopɔn kae no, moanni so.+ 27 Na munwiinwii wɔ mo ntamadan mu sɛ, ‘Yehowa tan yɛn nti na wayi yɛn afi Egypt asaase so de yɛn abɛhyɛ Amorifo nsa sɛ wɔntɔre yɛn ase. 28 Ɛhe na yɛrekɔ yi? Yɛn nuanom abetu* yɛn koma+ sɛ: “Asaase no sofo soso woware sen yɛn, na wɔwɔ nkurow akɛse a ɛho aban du soro,*+ na yehuu Anak+ mma nso wɔ hɔ.”’