11 Ɔhene Dawid hyiraa nneɛma yi nyinaa so maa Yehowa. Saa ara na dwetɛ ne sika kɔkɔɔ a ogye fii amanaman a odii wɔn so nkonim no nyinaa nkyɛn nso, ohyiraa so;+ 12 onya fii Siria ne Moab,+ Ammonfo, Filistifo,+ ne Amalekfo+ nsam, ne Soba hene Rehob ba Hadadeser+ hɔ.

30 Ɛnna oyii Malkam abotiri fii ne ti; ná emu duru yɛ sika kɔkɔɔ dwetikɛse* baako, na na aboɔden abo nso hyehyɛ mu, na wɔde hyɛɛ Dawid ti. Ɔsesaw nneɛma pii+ nso fii kurow no mu.+ 31 Ɔde emu nnipa nso bae, na ɔma wɔpaee abo, na wɔde nnade a ano yɛ nnam ne abonnua yɛɛ adwuma, na wɔyɛɛ birikisi nso. Saa na ɔyɛɛ Ammonfo nkurow nyinaa. Afei Dawid ne asraafodɔm no nyinaa san baa Yerusalem.