• Dwom 70:1-5
    Kyerɛw Kronkron—Wiase Foforo Nkyerɛase

    • 70 O Onyankopɔn, begye me;

      Yɛ ntɛm bɛboa me, O Yehowa.+

       2 Ma wɔn a wɔrepɛ me akum me* no

      Ani nwu na wɔmfɛre.

      Ma wɔn a wɔpɛ me sɛe no

      Mfa aniwu nnan wɔn ho nguan.

       3 Wɔn a wɔka sɛ: “Ɔtwea! Ɔtwea!” no,

      Ma wɔmfa aniwu nsan wɔn akyi.

       4 Wɔn a wɔhwehwɛ wo no de,

      Ma wɔn ani nnye na wonni wo mu ahurusi.+

      Da biara, ma wɔn a wɔn ani gye wo nkwagye nnwuma ho no nka sɛ:

      “Monkamfo Onyankopɔn.”

       5 Me de, meyɛ mmɔborɔwa ne ohiani.+

      O Onyankopɔn, yɛ ntɛm bɛboa me.+

      Wone me boafo ne me gyefo.+

      O Yehowa, ntwentwɛn wo nan ase.+