3 Afei ɔde mfatoho kaa nsɛm pii kyerɛɛ wɔn+ sɛ: “Hwɛ! Ogufo bi kɔe sɛ ɔrekogu aba.+ 4 Bere a ɔregu aba no, ebi koguu kwankyɛn, na nnomaa bedii.+ 5 Ebi nso koguu baabi a abotan wɔ a dɔte pii nni, na esiane sɛ dɔte pii nni hɔ nti, ntɛm ara na efifii.+ 6 Nanso bere a owia puei no, ɛhyee no, na esiane sɛ enni ntini nti, ewui. 7 Ebi koguu nsɔe mu, na nsɔe no nyinii, na emiaa no.+ 8 Na ebi nso koguu asaase pa mu, na efii ase sow aba; ebi mmɔho 100, ebi mmɔho 60, na ebi nso mmɔho 30.+ 9 Ma nea ɔwɔ aso no ntie.”+

3 “Muntie. Hwɛ! Ogufo bi kɔe sɛ ɔrekogu aba.+ 4 Bere a ɔregu aba no, ebi koguu kwankyɛn, na nnomaa bedii. 5 Ebi nso koguu baabi a abotan wɔ a dɔte pii nni, na esiane sɛ dɔte pii nni hɔ nti,+ ntɛm ara na efifii. 6 Nanso bere a owia puei no, ɛhyee no,* na esiane sɛ enni ntini nti, ewui. 7 Na aba no bi nso koguu nsɔe mu, na nsɔe no nyinii, na emiaa no, na ansow aba.+ 8 Na ebi nso koguu asaase pa mu, na efifii na enyinii, na efii ase sow aba, ebi mmɔho 30, ebi mmɔho 60, na ebi nso mmɔho 100.”+ 9 Ɛnna ɔka kaa ho sɛ: “Ma nea ɔwɔ aso a ɔde betie no ntie.”+

12 Nea ekoguu kwankyɛn no ne wɔn a wɔte asɛm no, nanso Ɔbonsam ba beyi asɛm no fi wɔn koma mu, na wɔannye anni annya nkwa.+