Nnwom

79 O Onyankopɔn, amanaman no aba w’agyapade so;+

Wɔagu w’asɔrefi kronkron no ho fĩ;+

Wɔasɛe Yerusalem pasaa.+

 2 Wɔde wo nkoa afunu ama wim nnomaa adi,

Na wɔde w’anokwafo nam ama asaase so mmoa.+

 3 Wɔahwie wɔn mogya agu te sɛ nsu de atwa Yerusalem ho ahyia,

Na obiara anka a obetumi asie wɔn.+

 4 Wɔn a wɔtete bɛn yɛn no, yɛn anim agu ase wɔ wɔn anim;+

Wɔn a wɔatwa yɛn ho ahyia no tweetwee yɛn di yɛn ho fɛw.

 6 Hwie w’abufuw gu aman a wonnim wo no so,

Na hwie gu ahenni a wɔmmɔ wo din no so.+

 7 Efisɛ wɔamene Yakob,

Na wɔama ne kurow adan amamfo.+

Hu yɛn mmɔbɔ ntɛm,+

Efisɛ wɔabrɛ yɛn ase koraa.

 9 O yɛn nkwagye Nyankopɔn, boa yɛn+

Esiane wo din kɛse no nti.

Wo din nti, gye yɛn na fa yɛn bɔne kyɛ yɛn.*+

Wɔn a wɔahwie wo nkoa mogya agu no, sɛ wutua wɔn so ka wɔ amanaman no mu a,

Ma yɛn aniwa nhu.+

12 O Yehowa, tua wɔn a wɔatwa yɛn ho ahyia no ka mpɛn ason,+

Efisɛ wɔatwa wo adapaa.+

13 Na yɛn a yɛyɛ wo man ne wo nguan a wohwɛ yɛn so no,+

Yɛbɛda wo ase akosi daa;

Yebeyi wo ayɛ awo ntoatoaso nyinaa mu.+