YOEL
1 Yehowa asɛm a ɔka kyerɛɛ Petuel ba Yoel* ni:
2 “Mpanyimfo, muntie,
Na asaase sofo nyinaa, monyɛ aso.
Saa ade yi, so ebi asi wɔ mo bere so
Anaa mo agyanom bere so pɛn?+
3 Monka ho asɛm nkyerɛ mo mma,
Na mo mma nka nkyerɛ wɔn mma,
Na wɔn mma nso nka nkyerɛ awo ntoatoaso a edi hɔ.
4 Nea ntutummɛ a wɔsɛe nneɛma di ma ɛkae no, ntutummɛ a wotu yuu adi;+
Nea ntutummɛ a wotu yuu di ma ɛkae no, ntutummɛ a wonni ntaban adi;
Nea ntutummɛ a wonni ntaban di ma ɛkae no, ntutummɛ a wodidi fuu adi.+
6 Ɔman bi aba m’asaase so; emu nnipa ho yɛ den na wɔn dodow nni ano.+
Wɔn se te sɛ gyata se,+ na wɔwɔ gyata apantan.
7 Wɔasɛe me bobe na wɔama me borɔdɔma ayɛ dunsin,
Wɔapompan ho ma ayɛ kwabokwabo, na wɔatow agu
Ama ne nnubaa ho ayɛ fitafita.
9 Aduan afɔre+ ne nsã afɔre+ a wɔde ba Yehowa fi no, afei de wɔagyae;
Yehowa asomfo a wɔyɛ asɔfo no resu.
11 Hwiit ne baali* nti, akuafo abotow,
Na bobefuw* mu adwumayɛfo twa adwo,
Efisɛ afuw mu nnɔbae asɛe.
12 Bobe akyenkyen,
Na borɔdɔma nso akisa.
Me Nyankopɔn asomfo, mumfura awerɛhow ntama* anadwo mũ nyinaa,
Efisɛ obiara nni hɔ a ɔde aduan afɔre+ ne nsã afɔre+ ba mo Nyankopɔn fi bio.
14 Momma wɔnyɛ akɔnkyen.* Momma wɔnyɛ nhyiam titiriw.+
Mommoaboa mpanyimfo no ne asaase no sofo nyinaa ano
Mmra Yehowa mo Nyankopɔn fi,+ na munsu mfrɛ Yehowa na ɔmmoa mo.
15 “Ɛda no nti munnue!
Yehowa da no abɛn,+
Na ɛbɛba sɛ ɔsɛe a efi ade nyinaa so Tumfo no nkyɛn!
16 Aduan nyera mfii yɛn anim anaa?
Na anigye ne ahurusi nso mfii yɛn Nyankopɔn fi?
17 Aba* a wɔadua a wɔde sofi reyɛ ho adwuma no atwintwam.
Adekora adan ada mpan.
Aburopata adwiriw agu, efisɛ nnɔbae asɛe.
18 Nyɛmmoa mpo si apini!
Anantwikuw nnya adidibea, enti wɔnenam basabasa.
Na nguankuw hu amane.
19 O Yehowa, wo na mesu afrɛ wo,+
Efisɛ ogya ahyew sare so adidibea,
Na ogyaframa ahyew wuram nnua nyinaa.
Monhyɛn ɔko torobɛnto wɔ me bepɔw kronkron so.
Momma asaase no sofo nyinaa ho mpopo,
Efisɛ Yehowa da no reba,+ na abɛn!
Ɔman bi wɔ hɔ a wɔdɔɔso na wɔn ho yɛ den;+
Ɛso bi mmae da,
Na wɔn akyi nso ebi remma bio,
Awo ntoatoaso nyinaa mu.
Wɔte sɛ ɔman a ɛyɛ den a wɔaboa wɔn ano wɔ akono.+
6 Wɔn nti, nkurɔfo ho bɛyeraw wɔn.
Obiara anim besinsiam.
7 Wotu ba sɛ mmarima akatakyi.
Wɔforo ɔfasu sɛ asraafo a wɔrekɔ ɔko.
Obiara nam ne kwan so
Na wɔmman mfi wɔn kwan so.
8 Obi nsum ne yɔnko.
Obiara nam ne kwan so tẽẽ.
Sɛ wɔn mu bi wu akono* mpo a,
Wɔn a wɔaka no mman.
9 Wɔbɔ wura kurow mu. Wotu mmirika fa afasu so.
Wɔforo adan, na wɔfa mfɛnsere mu sɛ akorɔmfo.
10 Asaase hinhim wɔn anim, na ɔsoro wosow.
Owia ne ɔsram aduru sum,+
Na nsoromma agyae hyerɛn.
11 Yehowa bɛma ne nne so wɔ n’asraafodɔm anim,+ efisɛ ne dɔm no dɔɔso paa.+
Hena na obetumi agyina ano?”+
13 Munsuan mo koma mu,+ na ɛnyɛ mo ntaade.+
Monsan mmra Yehowa mo Nyankopɔn nkyɛn,
Efisɛ ɔwɔ ayamhyehye* ne mmɔborɔhunu, ne bo mfuw ntɛm,+ ne dɔ a enni huammɔ nni ano,+
Na ɔsɛe a ɔde reba no, obegyae ma aka.*
14 Hena na onim sɛ ebia ɔbɛsan na wagyae ma aka,+
Na wahyira wo,
Na wode aduan afɔre ne nsã afɔre ama Yehowa wo Nyankopɔn?
15 Mommɔ abɛn wɔ Sion.
Momma wɔnyɛ akɔnkyen. Momma wɔnyɛ nhyiam titiriw.+
16 Mommoaboa ɔman no ano. Montew asafo no ho.+
Mommoa mpanyimfo no ano. Mommoaboa mmofra ne wɔn a wonum nufu no ano.+
Momma ayeforokunu mpue mfi ne pia mu na ayeforo mpue mfi n’ayeforo dan mu.
Adɛn nti na ɛsɛ sɛ wɔka sɛ: “Wɔn Nyankopɔn no wɔ he?”’+
19 Yehowa bebua ne man sɛ:
‘Hwɛ, mede aduan ne bobesa foforo ne ngo rebrɛ mo,
Na mobɛmee paa;+
Meremma amanaman no nni mo ho fɛw bio.+
20 Mɛpam nea ofi atifi fam no afi wo ho akɔ akyirikyiri.
Asaase wosee a obiara nte so no, ɛso na mɛbɔ no ahwete;
Mede ne dɔm a wodi anim* bɛkyerɛ apuei fam po*
Na mede dɔm a wodi akyiri akyerɛ atɔe fam po.*
21 O asaase, nsuro.
Ma w’ani nnye na di ahurusi, na Yehowa bɛyɛ ade kɛse.
22 Wuram mmoa, munnsuro,
Efisɛ sare so adidibea bɛyɛ frɔmfrɔm,+
Na nnua bɛsow aba.+
Borɔdɔma dua ne bobe bɛsow aba a ɛsɛ sɛ ɛsow nyinaa.+
23 Sion mma, momma mo ani nnye, na munni Yehowa mo Nyankopɔn mu ahurusi,+
Na ɔbɛma mo osu a edi kan* sɛnea ɛsɛ,
Na ɔbɛma osu atɔ ama mo
Ma moanya osu a edi kan ne osu a etwa to* sɛnea na ɛte kan no.+
24 Hwiit* a wɔaporow bɛyɛ awiporowbea ma,
Na bobesa foforo ne ngo bebu so wɔ amoa a wokyi nsã wom mu.+
25 Na mfe dodow a ntutummɛ a wotu yuu, ntutummɛ a wonni ntaban, ntutummɛ a wodidi fuu, ne ntutummɛ a wɔsɛe nneɛma,
M’asraafodɔm kɛse a mesomaa wɔn baa mo mu no+ dii mo nnɔbae no,
Mɛhyɛ ananmu.
Me man ani renwu bio da.
28 Ɛno akyi no, mehwie me honhom+ agu ɔhonam ahorow nyinaa so,
Na mo mma mmarima ne mo mma mmea bɛhyehyɛ nkɔm,
Mo mpanyimfo nso bɛsoso adae,
Na mo mmerante benya anisoadehu.+
29 Mehwie me honhom agu me nkoa ne me mfenaa mpo so
Wɔ saa nna no mu.
32 Na obiara a ɔbɛbɔ Yehowa din afrɛ no no, obenya nkwa.+
Na sɛnea Yehowa kae no, ebinom befi mu aka wɔ Sion Bepɔw so ne Yerusalem;+
Wɔn na wobenya wɔn ti adidi mu, na Yehowa afrɛ wɔn.”
3 “Hwɛ! Nna no mu,
Sɛ mede Yuda ne Yerusalemfo a wɔakodi obi man so no san ba saa bere no a,+
2 Mɛboaboa amanaman nyinaa nso ano,
Me man ne m’agyapade Israel nti,
Mebu wɔn atɛn wɔ hɔ,+
Efisɛ wɔabɔ wɔn ahwete amanaman no mu,
Na wɔakyɛ m’asaase afa.+
4 Tiro ne Sidon ne Filistia nkurow nyinaa,
Dɛn na mowɔ tia me?
Mayɛ mo biribi na moreyɛ bi atua me ka anaa?
Sɛ moretua me biribi so ka a,
Ɛnde mɛyɛ ntɛm adan mo akatua no aba mo so.+
5 Moafa me dwetɛ ne me sika kɔkɔɔ,+
Na mode m’akorade a ɛsom bo akogu mo abosomfi;
6 Yuda ne Yerusalemfo nso, moatɔn wɔn ama Greecefo+
Sɛnea ɛbɛyɛ a mubetu wɔn afi wɔn asaase so akɔ akyirikyiri;
7 Ɛno nti mɛma wɔafi beae a motɔn wɔn kɔe no aba,+
Na mɛdan mo akatua no aba mo so.
8 Mɛtɔn mo mma mmarima ne mo mma mmea ahyɛ Yudafo nsa,+
Na wɔn nso bɛtɔn wɔn ama Sabafo, ɔman a ɛwɔ akyirikyiri,
Yehowa na waka.
9 Mommɔ dawuru wɔ amanaman mu sɛ:+
‘Munsiesie mo ho nkɔko!* Monkanyan mmarima akatakyi!
Momma mmarima a wɔkɔ ɔsa nyinaa ntwiw mmɛn, momma wɔmmra!+
10 Momfa mo nsɔw nyɛ sekan a wɔde kɔ ɔko, na momfa mo kantankrankyi* nyɛ mpeaw.
Nea ɔyɛ mmerɛw no, ma ɔnka sɛ: “Me ho yɛ den.”
O Yehowa, fa w’ahoɔdenfo* no bra hɔ.
12 “Momma amanaman no nsɔre mmra Yehosafat Bon mu,*
Na ɛhɔ na mɛtena abu amanaman a atwa ahyia nyinaa atɛn.+
13 “Montow kantankrankyi, na nnɔbae no awo* sɛ wotwa.
Mommra mmetiatia so, efisɛ amoa a wokyĩ nsã wom no ayɛ ma.+
Ade a wokyĩ nsã gu mu no ayɛ ma abu so; wɔn bɔne adɔɔso.
15 Owia ne ɔsram beduru sum,
Na nsoromma renhyerɛn bio.
16 Yehowa bɛbobom afi Sion,
Na ɔbɛma ne nne so afi Yerusalem.
Ɔsoro ne asaase bɛwosow,
Nanso Yehowa bɛyɛ guankɔbea ama ne man,+
Na ɔbɛyɛ abannennen ama Israelfo.
17 Mubehu sɛ mene Yehowa mo Nyankopɔn a mete Sion, me bepɔw kronkron so no.+
18 Saa da no, nsã* dɔkɔdɔkɔ bɛsosɔ afi mmepɔw so;+
Nufusu bɛsen afi nkoko so,
Na nsu bɛsen Yuda nsubon nyinaa mu.
19 Egypt de, ɛbɛdan asaase a obiara nte so,+
Na Edom nso adan sare pradadaa,+
Efisɛ wɔde atirimɔdensɛm dii Yudafo,+
Na wohwiee mogya a edi bem gui wɔ wɔn asaase so.+
Ɛkyerɛ, “Yehowa Ne Onyankopɔn.”
Anaa “bobesa.”
Anaa “ababaa.”
Anaa “atweaatam.” Hwɛ Nkyerɛkyerɛmu afã hɔ.
Ebetumi aba sɛ ɛyɛ baali.
Ɛyɛ afifide bi a ɛte sɛ ɛmo.
Anaa “bobeturo.”
Anaa “Pomegranate.”
Nt., “mommɔ abɔso.”
Anaa “mommɔ abubuw.”
Anaa “atweaatam.” Hwɛ Nkyerɛkyerɛmu afã hɔ.
Anaa “wonni mmuada.”
Ebetumi nso akyerɛ, “Borɔdɔma a awo.”
Eyi yɛ hwiit anaa baali dua a aka wɔ afuw mu bere a wɔatwa aduan no awie.
Anaa “akode ano.”
Ebetumi nso akyerɛ, “Nea ɔma Onyankopɔn asɛm ba mu.”
Anaa “Momfa mmuadadi.”
Anaa “ɔyɛ ɔdomfo.”
Anaa “obenu ne ho wɔ ho.”
Nt., “w’agyapade.”
Nt., “n’anim.”
Kyerɛ sɛ, Ɛpo a Awu.
Kyerɛ sɛ, Mediterranea Po.
Ná efi ase fi October mfinimfini hɔ baabi. Hwɛ Nkh. B15.
Ná efi ase fi April mfinimfini hɔ baabi. Hwɛ Nkh. B15.
Ebetumi aba sɛ ɛyɛ baali.
Ɛkyerɛ, “Yehowa Ne Ɔtemmufo.”
Anaa “Asaasetraa no so.”
Anaa “bobesa.”
Nt., “Montew ɔko ho!”
Ɛbɛyɛ sɛ na ɛyɛ dade bi a ɛyɛ nnam a ɛhyɛ dua ano. Ɛte sɛ kookoo sosɔw.
Anaa “wo nnɔmmarima.”
Anaa “Asaasetraa no so.”
Anaa “ahoa; aguan.”
Anaa “asaasetraa no so.”
Anaa “asaasetraa no so.”
Anaa “ananafo.”
Anaa “bobesa.”
Anaa “Subon.”