Sɛnea Yɛde Nhomawa Yi Bedi Dwuma

Nkratafa a edidi so no, wubehu kyerɛwsɛm a wɔde ama yɛn da biara da ne ɛho nkyerɛkyerɛmu. Ɛwom, yebetumi akenkan asɛm no ne ɛho nkyerɛkyerɛmu bere biara, nanso nnipa pii ahu sɛ, sɛ wɔsusuw ho anɔpa a, ɛboa paa. Ɛba saa a, wɔtumi dwinnwen ho da mũ no nyinaa. Sɛ mobom susuw daa asɛm no ho sɛ abusua a, mubenya so mfaso kɛse. Betel abusua a ɛwɔ wiase nyinaa susuw ho anɔpa bere a wɔredidi.

Wɔyii nkyerɛkyerɛmu no fii Ɔwɛn-Aban (w) a ɛbaa April 2023 kosi March 2024 mu. Nɔma a edi Ɔwɛn-Aban no date akyi no kyerɛ kratafa a wɔyii nkyerɛkyerɛmu no fii; ɛnna nɔma a edi hɔ no yɛ nkyekyɛm a wɔyii nkyerɛkyerɛmu no fii. (Ɛho nhwɛso na ɛwɔ ase hɔ no.) Sɛ wopɛ ɛda no mu asɛm ho nsɛm pii a, wubetumi ahwɛ Ɔwɛn-Aban a wɔyii asɛm no fii no.