Nkamfo Krataa

Anuanom Adɔfo,

Bere a mokae sɛ Wubetumi Atra Ase Daa wɔ Paradise wɔ Asase So nhoma no yɛ “ɔkyerɛkyerɛ mmoa a ɛyɛ nwonwa” no na ɛyɛ nokware ampa.

Bere a merehwɛ me de no mu no na m’adwenem yɛ me naa te sɛ Toma. Ná nhoma no yɛ fɛ a n’akenkan ne asete nyɛ den, nanso so nnipa nti a wɔyɛe, obiara a ɔwɔ fie, adwumayɛbea ne afipamfo, ani begye ho?

Mmuae no yɛ yiw! yiw! yiw! Mede nhoma no pii ama wɔ oduruyɛfo bi adwumayɛbea, faako a meyɛ adwuma no, nanso nhoma no ankasa kɔ afie a ɛbɛn no mu.

D​—D​—te bɛn me. Ɔyɛ abeawa a ne ho yɛ fɛ a wadi mfirihyia 13 a n’ani so yɛ hyew na ɔkasa a ɔmmrɛ, na odi akɔ-ne-aba da mũ no nyinaa.

Bere a ɔbɛsraa me babea no da koro awia no, ɔfaa “nhoma kɔkɔɔ ketewaa” no. D​—asesa fi saa bere no. Ti a edi kan no nkutoo na wasua na wakɔ nhyiam horow a n’agya ama no kwan sɛ ɔnkɔ no nyinaa, wasiesie ne dan mu, ɔhwɛ ne kasa, ne fekubɔ ne ne nnwom a otie yiye. Wayɛ obi a odwo, nea ɔbrɛ ne ho ase na ɛyɛ anigye ankasa sɛ wɔne no bɛbɔ. Wasesa koraa ma mprempren ne na pɛ sɛ osua nhoma koro no ara sɛnea ɛbɛyɛ a obenya anigye te sɛ ne babea kumaa no.

Minnim faako a eyi bɛkɔ akowie, nanso mewɔ anidaso, dabi, mebɔ mpae mmom sɛ yebenya nnipa baanu foforo a wɔdɔ Yehowa ne ne Ba no a wɔne afoforo bɛkyɛ “nhoma kɔkɔɔ ketewa” no mu nsɛm.

Mede ɔdɔ a emu yɛ den kyia mo,

D. L. F.