Dɛn Nti Na Nkurɔfo To Ho Mpẽ Saa?

Obi a ɔkenkan Nyan! nsɛmma nhoma no wo England bisaa nea enti a nkurɔfo to ho mpẽ saa no, na ɔkyerɛkyerɛɛ mu sɛ:

“Menyɛ mo asɔre no muni de, nanso m’ani gye nhumu ne nkyerɛkyerɛmu a ɛda adi wɔ mo nsɛmma nhoma no mu no ho bere nyinaa.

“Nsɛmmɔne a nkurɔfo a wɔba me fie a wohu sɛ ebi da hɔ ka wɔ ho no taa ma me ho dwiriw me. So ebetumi aba sɛ esiane sɛ Nyan! no ka nokwasɛm ahorow pii a ɛfa yɛn ho nti?

“M’ani gyee nsɛm ahorow a mokyerɛw faa asanom bebrebe ho wɔ afe a etwaam no mu no ho titiriw, na sɛ́ obi a na anka ɔyɛ ɔsadweam no, Bible asɛm a ɛka sɛ nsa ‘yɛ sɛ ɔwɔ’ no si so dua bio ma mihu nyansa a ɛwɔ saa nhoma no mu no.”

Nyan! betumi ama wo nso w’ani agye. Sɛ ɛreka biribi ho asɛm a, ɛka kosi ase. Na esiane sɛ enni obiara a ɛbɔ ne nneɛma ho dawuru a ɛsɛ sɛ ɛsɔ n’ani nti, ɛda nokwasɛm adi pefee. Wo nso w’ani betumi abegye nsɛmma nhoma yi a wotintim wo kasa ahorow 53 mu na nnipa ɔpepem pii kenkan no ho.

Mesrɛ mo, merekra Nyan! no afe biako. Mede 200 ahyɛ mu de retua nsɛmma nhoma yi 12 a ɛbɛba no ho ka.