Afe Afe Nhyiam​—October 7, 1989

WƆBƐYƐ Watch Tower Bible and Tract Society of Pennsylvania no mufo afe afe nhyiam no October 7, 1989, wɔ Yehowa Adansefo Nhyiam Asa a ɛwɔ 2932 Kennedy Boulevard, Jersey City, New Jersey no so. Emufo nkutoo bedi kan ayɛ nhyiam anɔpa 9:30, na ɛno akyi no, wɔbɛyɛ afe afe nhyiam a wɔma kwan ma afoforo ba ase anɔpa 10:00.

Ɛsɛ sɛ Adwumakuw no mufo ma Ɔkyerɛwfo no Dwumadibea aso te address mu nsakrae biara a wɔyɛe wɔ afe a etwaam no mu no sɛnea ɛbɛyɛ a wɔn nsa betumi aka amanneɛbɔ ne ananmusifo nkrataa a wɔde brɛ wɔn daa no August 15 akyi bere tiaa bi.

Ɛsɛ sɛ Adwumakuw no mufo san de ananmusifo nkrataa no ne afe afe nhyiam no ho amanneɛbɔ a wɔde bɛbrɛ wɔn no mana ma ebedu Asafo ti no Ɔkyerɛwfo Dwumadibea September 1. Ɛsɛ sɛ Adwumakuw no muni biara hyehyɛ n’ananmusifo krataa no wie na ɔsan de mana ntɛm ara, na ɔkyerɛ sɛ n’ankasa bɛba nhyiam no anaasɛ dabi. Ɛsɛ sɛ nsɛm a wɔkyerɛw wɔ ananmusifo krataa biara so no ka biribi pɔtee wɔ eyi ho, efisɛ ɛno so na wobegyina ahu wɔn a wɔn ankasa bɛba no.

Wɔhwɛ kwan sɛ wobewie nhyiam dwumadi no nyinaa a adwuma ho nhyiam ne amanneɛbɔ ahorow ka ho no awia 1:00 anaa ɛno akyi bere tiaa bi. Wɔrenyɛ nhyiam no bi awia. Esiane sɛ nhyiambea hɔ sua nti, tekit nkutoo na wɔde bɛto nsa afrɛ wɔn a wɔbɛba no. Wɔrenyɛ nhyehyɛe a ɛbɛma wɔatie afe afe nhyiam no telefon so wɔ mmeae afoforo.