Onyankopɔn na Odi Wiase no So?

ƐYƐ Kwasida anɔpa. Nnipa pii sɔre fi mpa mu, wɔhyɛ wɔn ntade, di wɔn anɔpa aduan, na wɔka wɔn ho kɔ asɔre. Ɛhɔ no, wotie asɔre bi a ɛfa sɛnea Onyankopɔn di asase nyinaa so, na tumi biara ne ne de no nsɛ ho. Wɔka kyerɛ wɔn sɛ odwen nnipa ho yiye. Wɔtwe adwene nso kɔ Yesu Kristo so. Wɔte sɛ ɔne ahene mu Hene a nkotodwe nyinaa de osetie kotow no.

Bere a saa nnipa yi fi asɔre du fie no, wobue wɔn television tie asɛm a wɔreka no. Afei wɔte ɔkɔm, basabasayɛ, nnuru a wɔde di dwuma ɔkwammɔne so ne ohia ho asɛm. Na wohu nnipa a wɔyareyare ne wɔn a wɔawuwu tebea a ɛyɛ awerɛhow.

Nnipa a wɔte saa no befi ase susuw nsɛm a wɔtee wɔ asɔre no ho na ne titiriw no, wɔ nneɛma a wɔnkyerɛkyerɛ mu da wɔ hɔ no ho. Sɛ Onyankopɔn ne ɔdɔ ne tumi nyinaa wura de a, dɛn nti na nsɛm a ɛyɛ hu sisi? Na Yesu Kristo nso ɛ? Ɛda adi sɛ, nkotodwe pii wɔ hɔ a ɛnkotow ntie n’akwankyerɛ.

[Kratafa 3 mfonini]

Sɛ Onyankopɔn na odi wiase no so a, dɛn nti na amanehunu ne basabasayɛ wɔ hɔ saa?

[Mfonini Fibea wɔ kratafa 2]

Anim: NASA mfonini