Nhyiam Horow A Ɛbɛboa Yɛn Ma Yɛayɛ Asuafo
DAPƐN A EFI ASE NOVEMBER 4
Dwom 104
10 min: Nkaebɔ Ahorow ne asafo mu de.
17 min: “Bɔ Ayeyi Afɔre ma Yehowa.” Asemmisa-ne-Mmuae a wɔde di ho dwuma. Ɔyɛkyerɛ tiaa a ɛkyerɛ adawurubɔfo baanu a wɔresiesie wɔn ho ama asɛnka. Ɛsɛ sɛ obiara nya nsɛmma nhoma dwumadi mu kyɛfa dapɛn a etia abien wɔ ɔsram mu.
18 min: Organized to Accomplish Our Ministry. Ɔkasa a ɔpanyin a ne ho akokwaw yiye ma. Efi kratafa 142 (asɛmti ketewa so) kosi kratafa 147 (asɛmti ketewa so.
Dwom 132 ne mpaebɔ a wɔde wie.
DAPƐN A EFI ASE NOVEMBER 11
Dwom 211
15 min: Asafo mu nkaebɔ a asɛnka adwuma nhyehyɛe ne sika akontaabu ka ho. Afei nso, “Yɛda Mo Ase Pii.” Wɔde asemmisa-ne-mmuae di ho dwuma.
18 min: “Asɛmpa a Wɔbɛka Akyerɛ—Denam Nsɛmma Nhoma So.” Asemmisa-ne-mmuae a wɔde di asɛm ho dwuma. Ma ɔdawurubɔfo a ne ho akokwaw nyɛ anibu-30 kosi 60 asɛnka wɔ aguadidan mu a ɔde nsɛmma nhoma foforo a aba rema ho ɔyɛkyerɛ nkyerɛ. Ɔdawurubɔfo kɔ adwuma no mu panyin nkyɛn na ɔka sɛ: “Yɛayi bere asi hɔ nnɛ sɛ yɛbɛba nnipa a wɔreyɛ adwuma nkyɛn wɔ bere tiaa mu wɔ mpɔtam ha. Yegye di sɛ yɛwɔ biribi a wɔn mu pii ani begye ho. Ɛfa asɛm a ɛne [ka asɛmti ko a wopɛ sɛ wode kyerɛ no] no ho.” (Sɛ ɛfata a, wubetumi asrɛ kwan sɛ wopɛ sɛ wo ne afoforo a wɔwɔ adwumayɛbea hɔ kasa, na kyerɛ sɛ wobɛma wo asɛm no ayɛ tiaa a ɛrenhaw wɔn adwuma no sɛnea ɛnsɛ.)
12 min: Ɔkasa a atiefo nya mu kyɛfa, egyina asɛm, “So Wususuw Nneɛma Ho Anaasɛ Woma W’adwene Kyinkyin Ara Kwa” a ɛwɔ February 1, 1984, Watchtower mu so.
Dwom 46 ne mpaebɔ a wɔde wie.
DAPƐN A EFI ASE NOVEMBER 18
Dwom 128
5 min: Asafo mu nkaebɔ. Hyɛ dapɛn mu nsɛmma nhoma dwumadi ho nkuran.
12 min: “Akwampae Adwuma Nhyira Horow.” Asemmisa-ne-mmuae a wɔde di ho dwuma. Si 2 Korintofo 9:6 so dua. Ma daa akwampaefo ne akwampaefo aboafo, anaa wɔn a wɔayɛ akwampae adwuma bere a atwam no mu nkasa anaasɛ bisabisa wɔn nsɛm wɔ anigye ne nhyira horow a wɔanya ho.
18 min: Organized to Accomplish Our Ministry. Ɔkasa a ɔpanyin a ne ho akokwaw ma. Efi kratafa 147 kosi ti no awiei.
10 min: Monyɛ ho nhyehyɛe sɛnea mo asafo no ahiade te. Anaa ɔkasa a ɛkari pɛ a egyina asɛm, “Adifudepɛ Betumi Adi Awu” a efi July 14, 1984, Watchtower mu so.
Dwom 163 ne mpaebɔ a wɔde wie.
DAPƐN A EFI ASE NOVEMBER 25
Dwom 53
5 min: Asafo mu nkaebɔ. Hyɛ anuanom nkuran ma wɔnyɛ nhyehyɛe mma afie afie adwuma December 2. Hyɛ nyansa sɛ adawurubɔfo nyɛ nhyehyɛe na wɔne akwampaefo aboafo ne daa akwampaefo nyɛ adwuma dapɛn yi mfa nhyɛ wɔn ho wɔn ho nkuran.
15 min: “Adwuma a Yɛde Boa wɔ Asafo no Mu.” Nsemmisa ne mmuae.
10 min: Ɔsom adwuma sohwɛfo bisabisa wɔn a wɔbɔ mmɔden wɔ anigyefo a wɔkyerɛ wɔn kwan ba ahyehyɛde no mu nsɛm. Wo ne wɔn nsusuw nea enti a ehia sɛ wɔbɛyɛ eyi ntɛm wɔ adesua no mu ho na ma wɔnkyerɛ nea wɔyɛ de boa Bible adesuafo ma wofi ase de wɔn ho bɔ asafo no na wonya nkɔso kodu asubɔ mu.
15 min: Nea Mmofra Hyia wɔ Sukuu. Asemmisa-ne-mmuae a wɔde di School nhomawa nkratafa 26-29 ho dwuma wɔ “Sukuu Nkyerɛkyerɛ” ho. Bisabisa adawurubɔfo nkumaa binom asɛm wɔ tebea a ɛwɔ wɔn sukuu mu ho a ɛfa “Nyamesom ne Mpaebɔ,” “Ɔbarima ne Ɔbea Nna ho Adesua,” “Nyansahu ne Adannandi” ne “Akodi ho Nkyerɛkyerɛ” ho. Si awofo asɛyɛde a ɛyɛ sɛ wɔbɛpaw nea ɛsɛ sɛ wɔkyerɛ wɔn mma so dua.
Dwom 194 ne mpaebɔ a wɔde wie.